Aqparat jáne qoǵamdyq damý vıe-mınıstri Zerendi aýdany turǵyndarymen kezdesti

1907
Adyrna.kz Telegram

Aqmola oblysy Zerendi aýdanynda «Sarap» eksperttik klýbynyń aımaqtyq «Jańa Qazaqstan: Jańarý men jańǵyrý joly» atty otyrysy ótti.

2 sáýir kúni Aqmola oblysy Zerendi aýdanynda Memleket basshysy Qasym-Jomart Toqaevtyń «Jańa Qazaqstan: Jańarý men jańǵyrý joly» atty Qazaqstan halqyna Joldaýyn talqylaýǵa arnalǵan «Sarap» eksperttik klýbynyń otyrysy ótti.

Aımaqtaǵy is-sharaǵa QR Aqparat jáne qoǵamdyq damý vıe-mınıstri Qadyrov Danııar Ramazanuly, «Sh. Ýálıhanov atyndaǵy Kókshetaý memlekettik ýnıversıteti» KeAQ Áleýmettik-mádenı damý jónindegi Prorektory Baıtoq Ǵalym Sımbekuly, «Qazaqstandyq qoǵamdyq damý ınstıtýtynyń» KeAQ Basqarma Tóraǵasy Maıgeldınov Qazbek Ómirzaquly, jergilikti belsendiler men aýdan turǵyndary qatysty.

«Sarap» eksperttik klýbynyń otyrysyn Qazaqstan Respýblıkasynyń Aqparat jáne qoǵamdyq damý vıe-mınıstri Qadyrov Danııar Ramazanuly ashty. Ol el damýynyń ózekti máselelerin sheshýge belsendi azamattardy tartý maqsatynda múddeli memlekettik organdarmen birlesip, onyń barlyq kezeńderinde memlekettik sheshimderdi qabyldaý úderisine ÚEU-dy tartý tetikteri jetildiriletinin atap ótti.

«Árbir sheshim jan-jaqty saraptalady. Sondaı-aq, Parlament qabyrǵasynda azamattar men memleket arasyndaǵy ózara is-qımyldyń jańa sapalyq qaǵıdattaryn qalyptastyratyn qoǵamdyq baqylaý týraly zań jobasy da talqylanýda. Ulttyq Quryltaıdyń qurylýy ashyq qoǵamdy qalyptastyrýdaǵy jáne «estýshi memleket» tujyrymdamasyn júzege asyrýdaǵy mańyzdy qadam bolyp tabylady. Ony qurýǵa respýblıkanyń túkpir-túkpirinen jáne ártúrli oblystardaǵy azamattyq qoǵam ókilderiniń barynsha tartylady», – dep túıindedi sózin vıe-mınıstr.

Óz kezeginde Qazaqstandyq qoǵamdyq damý ınstıtýtynyń Basqarma Tóraǵasy Maıgeldınov Qazbek Ómirzaquly Prezıdent Joldaýynyń negizgi aspektilerin atap ótip, jańa saıası reformalar saıası transformaııanyń logıkalyq jalǵasy bolǵanyn atap ótti:

«Joldaý aıasynda basty qoıylǵan talap – saıası reforma. Bul joldaýdyń jergilikti halyqqa, belsendi azamattarǵa, úkimettik emes uıymdarǵa, jalpyǵa tıgizetin paıdasy nede? Budan shyǵatyn nátıje qandaı degen suraqtar týyndaıtyny zańdy. Saılaý júıesin ózgertý jáne saıası partııalarǵa baılanysty birshama bastamalar bastaldy. Sonyń biri buǵan deıin oblys ákimi, oblys ákiminiń orynbasary partııa fılıaldarynyń basshysy bola alsa, endi zańdy túrde joǵary laýazym ıeleri partııa fılıalynyń basshysy bola almaıdy. Oblys ákimi men orynbasary endi máslıhatpen tepe-teń jumys isteıtin bolady. Ekinshi jaǵynan jańa saıası partııalardyń paıda bolýyna alǵysharttar jasaıdy».

Jańa Joldaýda qozǵalǵan ózekti máseleler boıynsha «Sh. Ýalıhanov atyndaǵy Kókshetaý memlekettik ýnıversıteti» KeAQ Áleýmettik-mádenı damý jónindegi Prorektory Baıtoq Ǵalym Sımbekuly:

«Qazaqstannyń shyǵysyndaǵy óńirge uly Abaıdyń esimi berilip, Jetisýdyń ásem ataýy Ońtústiktegi jańa óńirdiń ataýynda kórinis tapty. Al, aqyndar jyrlaǵan Ulytaý óńiri oblysqa aınaldy.... Al Qyzyljar she?

Qyzyljar qaıda?

1925 jyly Petropavldaǵy orys bolshevıkteri bul qalanyń atyn Qyzyljar dep ózgertkenin bilesiz be? Imperatorlyq, al qazir Pýtındik Reseı úshin orys ulylyǵynyń tirek sımvolıkasyn joǵaltý olardyń múddelerine saı emes ekenin túsinemin. Sondyqtan orystyń basqynshylyq saıasatyna qarsylyq belgisi bolǵan aty ańyzǵa aınalǵan Kenesary hannyń basyn qazaqtarǵa bergisi kelmeıdi. Al Soltústik Qazaqstannyń oblys ortalyǵy – Qyzyljarǵa burynǵy ataýynyń qaıta oralýy Uly orys ımperıalızmi úshin orasan zor ıdeologııalyq, geosaıası, eń bastysy sımvoldyq joǵaltý. Jaraıdy, Kreml osylaı oılaıdy, biraq biz qazaqtar tarıhymyzdy qaıtarǵymyz keledi...», – dep pikirin bildirdi.

Otyrys barysynda Prezıdent joldaýy bizdiń qoǵamnyń eń ózekti jáne shuǵyl máselelerin sheshýge baǵyttalǵan ekonomıkalyq, áleýmettik jáne saıası sharalar kesheni ekendigi aıtyldy.

Aıta keteıik, 16 naýryzda Prezıdent Qasym-Jomart Toqaev Parlament palatalarynyń birlesken otyrysynda Qazaqstan halqyna kezekten tys joldaý jasady, ol saıası reformalar baǵdarlamasyn jáne birqatar áleýmettik-ekonomıkalyq sharalardy iske asyrýǵa arnaldy.

«Biz jańa Qazaqstanda «Túrli kózqaras, biraq birtutas ult» qaǵıdatyn berik ustanýǵa tıispiz.

Dıalog pen mámileniń joǵary mádenıeti elimizdegi azamattyq yntymaqtastyqty arttyratyn basty faktordyń birine aınalady», – dedi Prezıdent.

 «Qazaqstandyq qoǵamdyq damý ınstıtýty» KeAQ

Baspasóz qyzmeti

Pikirler