Reseı prezıdenti Vladımır Pýtın Ýkraına prezıdenti Vladımır Zelenskıımen kezdesýden eshqashan bas tartqan emes, biraq naqty jazbasha qujat daıyndalǵan kezde onyń kezegi keledi, dedi jeksenbide el basshysynyń baspasóz hatshysy Dmıtrıı Peskov. Bul týraly "Adyrna" ulttyq portaly jazady.
"Pýtın mundaı kezdesýden eshqashan bas tartqan emes. Biraq onyń ótýi úshin eki delegaııanyń jumysynyń tereńdiginde pisip-jetilgen naqty qujat qajet. Joq, ıdeıalar jıyntyǵy emes, naqty jazbasha qujat qajet. Mine , sodan keıin osyndaı kezdesýdiń kezegi keledi", - dedi ol "Rossııa 1" arnasyndaǵy "Máskeý. Kreml. Pýtın" baǵdarlamasyna bergen suhbatynda .
Jýrnalıst Pavel Zarýbınniń Mınsk kelisimderinde 7 jyldyq tájirıbesi bar ekenin eskere otyryp, bul qujattyń oryndalatynyna senim bar ma degen suraqqa Peskov: "Bizde mundaı tájirıbe bar, ol bizdiń esimizde, esimizde óte jaqsy saqtalǵan jáne soǵan sáıkes áreket etemiz",-dedi.
«Bizdiń áskerı operaııamyzdyń maqsattary tolyǵymen oryndalatynyna senimdimin. Reseı - Ýkraına kelissózderine qatysty qarqyndy kúsh-jigerdiń nátıjesinde biz de belgili bir qujatqa qol qoıamyz dep úmittenemin jáne bul jaǵdaıdy qalypqa keltirýdegi mańyzdy qadam bolady", - dedi Peskov.
"Adyrna" ulttyq portaly
