Shymkent qalasynyń sportshylary 2022 jyly I toqsanda ótken halyqaralyq, respýblıkalyq sporttyq is-sharalarda joǵary nátıjelerge qol jetkizýde. QR chempıonaty, Azııa jáne álem chempıonaty, álem kýboktarynda jerlesterimiz úzdikter qatarynan kórindi.
Atap aıtqanda, QR chempıonatynda 135 altyn, 125 kúmis, 123 qola júlde jeńip aldy. Álem chempıonatynda 1 altyn, 1 kúmis, 1 qola, Azııa chempıonatynda 11 altyn, 3 kúmis, 5 qola júldege ıe boldy.
Jyl basynan beri 2 QR eńbegi sińgen sport sheberi, 12 halyqaralyq dárejedegi sport sheberi, 52 QR sport sheberi jáne 59 sport sheberine úmitker sportshylar daıarlandy.
Qala sportshylary kórkem gımnastıkadan SSh, SShÚ jastar arasyndaǵy QR chempıonatynda 5 altyn, sadaq atýdan eresekter men jastar arasyndaǵy QR chempıonatynda 10 altyn, ámbebap jekpe-jekten jasóspirimder arasyndaǵy el chempıonatynda 11 altyn, kombat djıý-djıtsýdan eresekter jáne jasóspirimder arasyndaǵy el birinshiliginde 10 altyn júldeni qorjynǵa saldy.
Sondaı-aq, esepti kezeńde shaharda kórkem gımnastıkadan SSh, SShÚ jastar arasyndaǵy QR chempıonaty, short-trekten, ámbebap jekpe-jekten, grek-rım, erkin jáne áıelder kúresinen, kombat djıý-djıtsýdan, paýerlıftıngten jastar men jasóspirimder, eresekter arasynda el chempıonattary uıymdastyryldy.
