Shymkent qalasynyń jınaqtaý pýnktinde garnızonnyń áskerı polıııa bólimi ókiliniń qatysýymen sybaılas jemqorlyqqa qarsy is-qımyl boıynsha sabaq ótkizildi. Is-sharaǵa azamattardy merzimdi áskerı qyzmetke shaqyrý is-sharalaryna qatysy bar adamdar tartyldy.
Shymkent garnızony áskerı polıııa bóliminiń sybaılas jemqorlyqqa qarsy is-qımyl jónindegi aǵa ofıeri ádilet kapıtany Erbol Aıtbaev sabaqqa qatysýshylardy kóktemgi shaqyrý naýqanyn sapaly ótkizýge, qoldanystaǵy zańnamanyń tarmaqtary men baptaryna erekshe nazar aýdarýǵa shaqyrdy.
– Zańnamalyq normalarǵa sáıkes, sybaılas jemqorlyq kórinisterine jol bermeı, zańdylyq pen quqyqtyq tártipti qamtamasyz ete otyryp, Qarýly Kúshter, basqa da áskerler men áskerı quralymdar qataryna kóktemgi shaqyrý naýqanyn uıymdastyrý jáne ótkizý – bul bizdiń ortaq jáne basty mindetimiz, - dedi ádilet kapıtany Erbol Aıtbaev.
Áskerı polıııa ókili Qarýly Kúshterde azamattardy merzimdi áskerı qyzmetke shaqyrýǵa baılanysty sybaılas jemqorlyq táýekelderiniń aldyn alýǵa baǵyttalǵan is-sharalar týraly da toqtaldy.
Atap ketsek, 2021 jylǵy 1 naýryzdan bastap áskerge shaqyrýdy keıinge qaldyrý nemese odan bosatý Memlekettik qyzmetter bolyp tabylatynyn jáne azamattarǵa elektrondyq úkimet portaly arqyly usynylady.