Ýkraına prezıdenti Vladımır Zelenskıı soǵys bastalǵaly beri alǵash ret reseılik basylymdarǵa úlken suhbat berdi. 27 naýryzda el basshysynan "Medýza" bas redaktory Ivan Kolpakov, "Dojd" telearnasynyń bas redaktory Tıhon Dzıadko, jýrnalıst ári jazýshy Mıhaıl Zygar jáne "Kommersant" tilshisi Vladımır Solovev suhbat aldy, dep jazady "Adyrna" ulttyq portaly.
Áńgime eki saǵatqa jýyq ýaqytqa sozyldy. Reseılik BAQ keshke deıin suhbattyń tolyq nusqasyn enzýrasyz jarııalaýǵa ýáde beredi. Alaıda buqaralyq aqparat quraldarynda suhbat týraly aqparat paıda bolǵannan keıin kóp uzamaı "Roskomnadzor" bul suhbatty jarııalamaý týraly aldyn ala eskertý jasady.
"Roskomnadzor reseılik BAQ-qa bul suhbatty jarııalaýdan bas tartý qajettigin eskertedi. Suhbat alǵan buqaralyq aqparat quraldaryna qatysty jaýapkershilik dárejesin anyqtaý jáne den qoıý sharalaryn qabyldaý úshin tekserý bastaldy", - delingen agenttiktiń resmı saıtynda.
Keıinirek Reseıdiń Bas prokýratýrasy Zelenskııdiń suhbatyna baılanysty málimdeme jasady, ol "jarııalanǵan málimdemelerdiń mazmuny men olardy ornalastyrý faktisine túbegeıli quqyqtyq baǵa berýge" ýáde berdi.
Onyń málimdemesinde bul "Reseıge qarsy jappaı úgit-nasıhat jáne Reseı Federaııasynyń Qarýly Kúshteri Donek jáne Lýgansk halyq respýblıkalaryn qorǵaý jónindegi arnaıy áskerı operaııaǵa baılanysty Reseı Federaııasynyń áreketteri týraly jalǵan aqparatty únemi ornalastyrý jaǵdaıynda" jasaldy, - delingen.
Ýkraına prezıdenti Zelenskıı Kremldiń bul áreketine mynadaı reakııa bildirdi:
«Elestetip kórińizdershi, Máskeýdegiler meniń reseılik jýrnalısterge bergen suhbatyma bola úreılendi. Shyndyqty aıta alatyndar úshin qorqyp otyr. Jýrnalıster bizdiń suhbatymyzdy jarııalaýǵa daıyndalyp jatqanda – reseılik enzýra vedomstvosy qorqytyp-úrkitip bastady. "Áńgimeni jarııalaýdan bas tartýdy talap etemiz" - dep jazdy. Eger ol sonshalyqty qaıǵyly bolmasa, bul kúlkili bolar edi. Olar óz memleketterindegi sóz bostandyǵyn joıyp, endi kórshi memleketti joıýǵa tyrysýda. Olar ózderin jahandyq oıynshy retinde kórsetip keledi de ózderi birneshe jýrnalıstpen sóılesýden qorqady. Eger mundaı reakııa oryn alyp jatsa, demek biz bárin durys istep jatyrmyz, olar kúıgelektenip otyr. Shamasy, olar óz azamattarynyń memlekettegi jaǵdaıǵa qatysty suraqtarynyń kóbeıgenin kórdi", - dep málimdedi Zelenskıı.
"Adyrna" ulttyq portaly
