Búgin 27-naýryz Qazaqstannyń eks-premer-mınıstri, oppozııoner, Qazaqstan Respýblıkasynyń Joǵarǵy Keńesiniń 12 shaqyrylymynyń depýtaty Ákejan Qajygeldınniń dúnıe esigin ashqan kúni.
27 naýryz 1952 jyly ShQO-nyń Jarma aýdanynyń Georgıevka aýylynda, bilim berý salasynyń qyzmetkerleriniń otbasynda ómirge keldi.
N. K. Krýpskaıa atyndaǵy Semeı pedagogıkalyq ınstıtýtyn bitirgen. Eki jyl Keńes Armııasynda, Semeı oblysy boıynsha MQK basqarmasynda qyzmet etti (1974-1978). 1989 jyly Almaty halyq sharýashylyǵy ınstıtýtyn «ekonomıst» mamandyǵy boıynsha bitirgen. 1987-1989 jyldary KSRO Memlekettik qaýipsizdik komıteti F. E. Dzerjınskıı atyndaǵy Joǵary mektebiniń basshylyq quramyn daıyndaý kýrstarynyń tyńdaýshysy boldy. Eńbek jolyn betonshy qyzmetinen bastaǵan. Orta mekteptiń muǵalimi jáne meńgerýshisi boldy.
- 1979-1984 — Semeı qalasynyń Kalının aýdandyq partııa komıtetiniń nusqaýshysy, meńgerýshisiniń orynbasary, bólim meńgerýshisi;
- 1985-1987 — Semeı qalasynyń Kırov aýdandyq atqarý komıtetiniń tóraǵasy.
- 1987-1989 — Máskeý qalasyndaǵy «Sozıdatel» kooperatıviniń ókili.
- 1989-1992 — qurylys-dekoratıvtik qaptaý tasyn ónerkásiptik óńdeý jónindegi Semeı kombınatynyń dırektory.
- 1990 — «Toman» AQ Bas dırektory.
- 1990-1992 — «Semeı» QÓT bas dırektory.
- 1991-1993 — Semeı oblystyq atqarý komıteti tóraǵasynyń orynbasary, oblystyq ákimshilik basshysy.
- 1993 jeltoqsannan 1994 qazanǵa deıin — QR premer-mınıstriniń birinshi orynbasary.
- 1994 qazanynan 1997 qazanyna deıin — QR premer-mınıstri
- 1998 naýryz-qazan aralyǵynda — QR prezıdentiniń shtattan tys keńesshisi.
Sondaı-aq, QR prezıdenti janyndaǵy Kásipkerler keńesiniń tóraǵasy jáne Qazaqstannyń ónerkásipshileri men kásipkerleri odaǵynyń prezıdenti laýazymdaryn atqarǵan.
1998 jyly QR prezıdenttigine kandıdat boldy. Qazaqstannyń Respýblıkalyq Halyq partııasynyń tóraǵasy, keıin Birikken demokratııalyq partııanyń saıası keńesiniń múshesi boldy.
1999 jyly Qazaqstannan kóship ketti.
"Adyrna" ulttyq portaly
