Ulttyq qaýipsizdik komıtetiniń burynǵy tóraǵasy Kárim Másimovti qamaýǵa alý merzimi uzartyldy. Sondaı-aq Másimovtiń isi Qylmystyq kodekstiń bes baby boıynsha tergelip jatyr, dep jazady "Adyrna" ulttyq portaly. Bul týraly UQK Informburo.kz saıtynyń saýalyna jaýap bere otyryp habarlady.
«25 aqpanda Nur-Sultan qalasynyń tergeý soty Kárim Másimovke qatysty qamaýda ustaý túrindegi bultartpaý sharasyn 3 aıǵa deıin uzartty», – delingen vedomstvonyń agenttikke bergen jaýabynda.
Tergeý kezinde anyqtalǵan Másimovtiń múlki tárkilendi. Múlikti memleket kirisine berý týraly sheshimdi sot shyǵarady.
UQK jedel tergeý toby Másimovti jáne basqa da tulǵalardy QR Qylmystyq kodeksiniń kelesi baptary boıynsha tergep jatqanyn habarlady:
– 366-baptyń 4-bóligi – «Para alý»;
– 362-baptyń 4-bóliginiń 3-tarmaǵy – «Bılikti nemese laýazymdyq ókilettikterdi asyra paıdalaný»;
– 175-baptyń 1-bóligi – «Memleketke opasyzdyq jasaý»;
– 179-baptyń 3-bóligi – «Qazaqstan Respýblıkasynyń Konstıtýııasyn buzyp, bılikti kúshpen basyp alýǵa nemese bılikti kúshpen ustap turýǵa ne Qazaqstan Respýblıkasynyń konstıtýııalyq qurylysyn kúshtep ózgertýge baǵyttalǵan áreketter»;
– 218-baptyń 3-bóligi 3-tarmaǵy – «Qylmystyq quqyq buzýshylyqtardan túsken tabystar bolyp tabylatyn múlikti konversııalaý nemese aýdarý túrinde mámileler jasasý arqyly qylmystyq jolmen alynǵan aqshany jáne (nemese) ózge múlikti zańdy aınalymǵa tartý ne mundaı múlikti ıelený jáne paıdalaný».
"Adyrna" ulttyq portaly
