Jýyrda Qasym han jaıly kópten kútken "Uly dala tańy" atty kınotýyndy jaryq kórmek

3646
Adyrna.kz Telegram

Jýyrda... Kópten kútken, "Uly dala tańy" atty esimi ańyzǵa aınalǵan dana bıleýshi, reformator Qasym hannyń tarıhta júrip ótken joly, beınesi, ulylyǵy jaıynda syr shertetin kınotýyndy jaryq kóredi, dep habarlaıdy "Adyrna" ulttyq portaly. 

Atalǵan kartınany QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirdi.

«Ońaı bolǵan joq, alaıda men jáne bizdiń komanda atqarǵan jumysymyzben jáne kóp  kúttirgen nátıjemizben maqtanamyz»,- dep jazdy rejısser Aqan Sataev óziniń áleýmettik jeli paraqshasynda.

Fılm oqıǵalary XV ǵasyrdyń 70-jyldarynan XVI ǵasyrdyń 20-jyldaryna deıingi aralyqty qamtıdy. Atap aıtsaq, Qazaq halqynyń tarıhyndaǵy Qasym han atty tulǵanyń handyq qurǵan kezeńi men memleket órkendep, Shyǵys Deshti-Qypshaqtyń keń aýmaǵyna baqylaý ornatylǵany týraly baıandalady. Dál osy jyldary qazaqtar derbes etnıkalyq qaýymdastyq retinde bizdiń aýmaqtan tys jerlerge de belgili boldy. 1510 jyly Ulytaý shaıqasynda Qasym han jeńiske jetken soń onyń ulylyǵy, ataq-abyroıy kúlli Deshti Qypshaqqa taraǵan. Qasym hannyń tusynda qazaq áskeriniń sany bir derekte – 400 myń, taǵy birinde 300 myń delinse, halyq sany 1 mln-ǵa jetti.

Qazaq handyǵy tarıhynda Qasym hannyń alar róli orasan zor ekeni barshamyzǵa málim. Óıtkeni, bılik etken sol bir jyldary Qazaqstan aýmaǵyn batysta Edilge deıin, shyǵysta Ertiske deıin, ońtústikte Syrdarııaǵa deıin, Soltústikte Tobylǵa deıin jetkizip ǵana qoımaı, ómiriniń sońǵy jyldarynda "Qasym hannyń qasqa joly" atty jańa zańdar jınaǵy engizilgen. Osy oraıda, kórkem fılmde jınaqtyń jekelegen baptarymen qatar,  onyń adamgershiligi, qolbasshylyǵy, bılikti basqarýdaǵy erekshe qasıetteri aıqyn kórinis tabatynyn aıtqymyz keledi.

Esterińizge sala ketsek, fılmdegi basty róldi  Berik Aıtjanov (eresek Qasym han), Danııar Orazaev (jas Qasym han), Aıdos Ábdiqadyrov (jas Buryndyq han), Erik Joljaqsynov (eresek Buryndyq han), Nurlan Álimjanov (Muhammed Shaıbanı), Altynaı Nógerbek (jas Jahan Begim), Shamshagúl Meńdııarova (qart Jahan Begim), Tuńǵyshbaı Jamanqulov (eresek Álı Rashıd), Qýanysh Qudaıbergen (jas Álı Rashıd) jáne t.b. somdady.

 

 

Posmotret etý pýblıkaııý v Instagram

 

Pýblıkaııa ot Uly Dala Tańy (@ulydalatany)

Komandanyń aıtýynsha, bul fılmdi túsirý ońaılyqqa soqpaǵan. Ekranǵa jol tartatyn kınotýyndynyń nátıjesin kórermen qaýym tamashalap, tarıhpen sýsyndaıtynyna kúmánimiz joq. Fılm kórermenniń yqylasyna ıe bolatynyna senimimiz mol.

"Adyrna" ulttyq portaly

Pikirler