Balalar jylyna tartý retinde Syr tórinde respýblıkalyq oqýshylar aıtysy uıymdastyryldy. «Kóktem nury» ataýymen aıshyqtalǵan doda áz-Naýryz merekesiniń ajaryn ashty, dep habarlaıdy “Adyrna” ulttyq portaly.
Aıtysqa elimizdiń 5 óńiri men Qyzylorda qalasy jáne Syrdarııa, Shıeli aýdandarynan kelgen 10 aıtysqer baq synady. Aıtysqa sýsap kelgen turǵandar sózden qamshy órgen arqaly jas aqyndardyń ónerine tánti boldy.
Oblys ákimi Gúlshara Ábdiqalyqova aıtystyń alqasyn qyzdyryp, sóz dodasyna túsken jas aqyndardy qoldap, Balalar jyly aıasynda oqýshylar arasyndaǵy aıtystyń Qyzylordada bastalýynyń ózindik mánin atap ótip, óńirde aıtystyń ornyna toqtaldy.
“Oıly sózdi aıta bilgen aıtys aqyndaryn halyq qashan da qurmet tutqan. Oblysta aıtys dástúrli túrde úzdiksiz ótip keledi. Syr eli óziniń áridegi Nartaı, Manap, keshegi Mahanbetqalı, Zamaddın, beridegi Serik, Elena, Ábilqaıyr, búgingi Muhtar, Nurmat, Meıirbekteı aımaq aıtysyn asqaqtatyp júrgen aqyndarymen maqtanady.Sonyń ishinde aıtystyń Aqtańgeri Muhtar Nııazovtyń úsh márte «Altyn dombyra» ıegeri atanyp, máńgilikke syıǵa tartýy - ulttyq ónerimizdiń Syr elindegi mártebesiniń kórsetkishi sekildi. Búgin, mine, urpaqtar sabaqtastyǵynyń belgisindeı respýblıkamyzdyń túkpir-túkpirinen daryndy, oıy zerek, temirqanat jas túlek aqyndarymyz Syr óńirine jınalyp otyr”, - dedi Gúlshara Ábdiqalyqova.
Sózdiń quny joǵary qoıǵan jas aqyndardyń sóz dodasyna belgili aıtysker aqyn, memlekettik «Daryn» syılyǵynyń ıegeri Bekarys Shoıbekov, úsh dúrkin «Altyn dombyra» ıegeri, Syr súleıi Muhtar Nııazov jáne belgili jyrshy-termeshi, halyqaralyq konkýrstarynyń laýreaty, halyqaralyq aqyn-jyraýlar Odaǵynyń múshesi Amandyq Búrlibaev tórelik etti.
Baıqaý qorytyndysymen halyq aqyny Manap Kókenov atyndaǵy bas júlde men aqshalaı syılyq qyzylordalyq Meıirjan Qartbaıǵa tabystaldy.
I oryn alǵan mańǵystaýlyq Ersultan Aýshanovqa, II oryn shıelilik Ámirhan Eldarǵa buıyrdy. Sondaı-aq, Taraz qalasynyń týmasy Alıhan Iashar men aqtóbelik Nuradın Araı III oryndy ózara bólisti.
Munan bólek, arnaıy nomınaııa jeńimpazdaryna 100 myń teńgeden 5 júlde tabystaldy.
“Adyrna” ulttyq portaly
