14 naýryzda tańerteń Almaty áýejaıynan Ýkraınaǵa gýmanıtarlyq kómek jiberildi, dep habarlaıdy "Adyrna" ulttyq portaly Tengrinews.kz-ke silteme jasap.
Qazaqstan Respýblıkasy Prezıdentiniń tapsyrmasy boıynsha QR Densaýlyq saqtaý mınıstrligi Ýkraınaǵa gýmanıtarlyq kómek daıyndady. QR Úkimeti janyndaǵy halyqaralyq gýmanıtarlyq kómek kórsetý máseleleri jónindegi komıssııa Ýkraına halqyna medıınalyq preparattar bóldi.
Gýmanıtarlyq júk salynǵan ushaq Almaty-Katovıe baǵytynda ushady. Ol jerde Ýkraınadaǵy Qazaqstan azamattary evakýaııalanǵan edi. Júk Air Astana kompanııasynyń Boeing 767 ushaǵyna tıeldi.
Áýejaı qyzmetkerleri avtomat júktıegish kómegimen áýekemesiniń júk bólimine árqaısysynyń salmaǵy birneshe tonna bolatyn tórt konteınerdi 20 mınýt ishinde ornalastyrdy.
Gýmanıtarlyq kómektiń jalpy salmaǵy 28,2 tonna bolady. Onda dári-dármektiń 17 túri bar: antıbıotıkter, qabynýǵa qarsy, jótelge qarsy jáne antıgıpertenzıv preparattar. Júk 14, 15 naýryzda eki reıspen jiberiledi.
"Búgin júktiń bir bóligi jiberiledi. 31 pallet jiberildi. Erteń qalǵanyn jiberemiz. Gýmanıtarlyq kómekke arnalǵan preparattar halyqaralyq gýmanıtarlyq kómek máseleleri jónindegi komıssııa otyrysynyń hattamalary jáne densaýlyq saqtaý mınıstrliginiń usynystary boıynsha tańdaldy. Ýkraına tarapy qazir olarǵa qandaı dári-dármekter qajet ekenin aıtty. Barlyq preparat Qazaqstanda óndirilgen", - dedi "SK-Farmaııa" JShS Almaty qalasy boıynsha ókildiginiń menedjeri Sholpan Ádilbekova.
Júk birneshe kún ishinde jedel jınalǵany aıtyldy. Preparattar úshin arnaıy saqtaý sharttary qajet emes, tek temperatýra +15-ten +25 gradýsqa deıin bolýy kerek.
"Adyrna" ulttyq portaly
