Oblys ákimi Gúlshara Ábdiqalyqova Qazaly aýdanyna jumys sapary kezinde Qarasheńgel aýyldyq okrýgine qarasty Jalańtós batyr, Q.Pirimov, Basyqara aýyldaryna gaz tartý rásimine qatysty, dep habarlaıdy "Adyrna" ulttyq portaly.
Bul eldi mekenderge oramishilik gaz jelileriniń qurylysyn júrgizýge bıyl «Aýyl el besigi» baǵdarlamasy sheńberinde tıisti qarjy bólindi.
Kógildir otyn berilgen ýaqytta Jalańtós batyr, Q.Pirimov, Basyqara aýyldaryndaǵy 3 myńnan astam otbasy jáne 26 áleýmettik qamtamasyz etiletin bolady. Jalantós batyr aýylynyń turǵyny, ardager ustaz Darıpa Qalmyrza qýanyshymen bólisip, rızashylyǵyn bildirdi.
- Bizde búgin qýanyshty kún. Sebebi kópten kútken gaz kelgeli tur aýylymyzǵa. Óte rızamyz. Áıel adamdardyń turmys-tirshiligi jeńildeıtin boldy. Bul máseleni aýyl turǵyndary kópten beri kóterip júrdi, endi mine, sheshimin tabýda, - dedi.
Aýyldarǵa kógildir otyn aparý nátıjesinde óńirde gazben jabdyqtaý jumysy 67% jetti. 2025 jylǵa deıin taǵy 22 eldi mekenge gaz tartý josparlanyp otyr.
"Adyrna" ulttyq portaly
