Eks-prezıdenttiń kenje qyzy – Álııa Nazarbaevaǵa tıesili delinetin «Operator ROP»JShS Qaraǵandydaǵy avtomobıl ýtılızaııasymen aınalysatyn zaýytqa 20 mıllıardtan astam teńgeni zańsyz aýdarǵan. Bul týraly «Vremıa» gazeti jazǵan bolatyn, dep habarlaıdy “Adyrna” ulttyq portaly.
Arasha.kz málimetinshe, 5 jyl boıy ýtılalymmen aınalysyp kelgen «Operator ROP» JShS-nyń qalaı jumys istegenin tekserip jatqan quqyq qorǵaý organdarynyń alǵashqy málimetinshe, «Operator ROP» JShS Qaraǵandydaǵy avtomobıl ýtılızaııasymen aınalysatyn zaýytqa 20 mıllıardtan astam teńgeni zańsyz aýdarǵan.
Qaraǵandydaǵy avtomobıl ýtılızaııasymen aınalysatyn kompanııa “Recycling Company” JShS dep atalǵan. «Operator ROP» JShS ol kompanııaǵa 20 mlrd teńgeni bes jyl ishinde aýdaryp otyrǵan. Al ýtılızaııa jasaý baǵasy óte joǵary kórsetilgen, bul óz kezeginde aqsha jymqyrýǵa ońtaıly bolǵan kórinedi.
«Operator ROP» JShS isi boıynsha birneshe adam qamaýǵa alynǵany málim. Solardyń biri – Svetlana Korotenko (sýrette), Ýkraına azamaty. Ol 2016-2019 jyldar aralyǵyna «Operator ROP» JShS-ny basqarǵan. Eń qyzyǵy, Svetlana Korotenko oǵan deıin shyǵarmashylyq jumyspen aınalysyp, Aqan Sataev túsirgen «Anaǵa jol» fılminiń prodıýseri bolǵan. Al bul fılmniń bas prodıýseri Álııa Nazarbaeva bolǵany málim.
Qańtar oqıǵasynan keıin eks-prezıdenttiń áýleti saıasat pen bıznesten kete bastady. Sol kezde, ıaǵnı 10 naýryzda prezıdent Toqaev «Operator ROP» JShS jumysy týraly aıtqan edi. Keıin «Operator ROP» JShS jabylyp, kompanııa isi tekserýge alynǵan bolatyn.
“Adyrna” ulttyq portaly
