Osydan 4 jyl buryn bankır Erjan Tátishevti óltirgeni úshin sottalǵan kásipker Murathan Toqmádı prezıdentke isti qaıta qaraýdy surap ashyq hat jazdy, dep habarlaıdy “Adyrna” ulttyq portaly.
Stan.kz saıtynyń málimetinshe, Toqmádıdiń aıtýynsha, UQK qyzmetkerleri ony qorqytý, uryp-soǵý, azaptaý, otbasyna moraldyq-psıhologııalyq qysym kórsetý sondaı-aq shottaryn jaýyp, múlkine tyıym salý arqyly kinásin moıyndatýǵa jáne is júrgizý kelisimine qol qoıýǵa kóndirgen.
Toqmádı sol kezdegi UQK basshylyǵynda otyrǵan Kárim Másimov pen Rýslan Ysqaqovtyń maqsaty oppozııoner Muhtar Ábilıazovty tutqyndaý jáne Qazaqstanǵa ekstradıııalaý bolǵanyn aıtady.
Ábilıazov óziniń burynǵy bıznes-seriktesi Tátishevti óltirýge tapsyrys berýshi dep tanylǵan bolatyn. Is materıaldary boıynsha, ol Murathan Toqmádımen kelisimge otyryp, 2004 jyly jeltoqsanda Tátishevke ań aýlaý kezinde óltirgen.
"Men 5 jyldan beri jasamaǵan qylmysymnyń jazasyn ótep kelemin! Maǵan jáne meniń jaqyndaryma kóptegen azap keltirgen osy oqıǵanyń barlyǵyn Bas prokýratýranyń, IIM-niń, sottardyń belsendi túrde járdemdesýimen Kárim Másimov bastaǵan UQK qyzmetkerleri toby oılap taýyp, iske asyrdy. Olardyń basty maqsaty Muhtar Áblıazovty ekstradıııalaý boldy. Alaıda, olar sátsiz aıaqtaldy jáne osy jyldyń qańtarynda olardyń barlyǵy qamaýǵa alyndy. Sondaı-aq kóptegen qylmystary týraly shyndyq birtindep belgili bola bastady... ", – dep jazady Toqmádı.
Eske sala keteıik, 2007 jyly Toqmádı Tátishevtiń abaısyzda qaza tapqany úshin raqymshylyq jasaý jazasynan bosatyla otyryp, bir jylǵa bas bostandyǵynan aıyrylǵan bolatyn.
2017 jyly sot Toqmádıdi bopsalaý jáne qarýdy zańsyz satyp alý, berý, ótkizý, saqtaý, tasymaldaý nemese alyp júrgeni úshin kináli dep taýyp, úsh jylǵa bas bostandyǵynan aıyrdy.
2018 jyldyń naýryz aıynda Erjan Tátishevti óltirgeni úshin Murathan Toqmádı on jarym jylǵa sottaldy. Ábilıazov sot sheshimimen syrttaı ómir boıyna bas bostandyǵynan aıyryldy.
Murathan Toqmádı kelisimderge sáıkes oǵan 5 jyl merzim "ýáde etilgen" dep otyr. Alaıda kásipker 10 jylǵa bas bostandyǵynan aıyrý týraly úkim shyǵardy. Osydan keıin qol qoıylǵan proestik kelisim isten joǵalyp ketti.
“Adyrna” ulttyq portaly
