Gaagadaǧy Halyqaralyq qylmystyq sot Ukrainadaǧy äskeri qylmysqa bailanysty tergeu jūmystaryn bastady, - dep habarlaidy “Adyrna” ūlttyq portaly Tengrinews.kz saityna sılteme jasap.
Prokuror keŋsesınıŋ basşysy Karim Hannyŋ sözınşe, bügınde onyŋ Ukrainadaǧy oqiǧalarǧa qatysty qylmystardy tolyq kölemde tergeudı bastauǧa barlyq resmi negızı bar jäne däleldemeler jinau jūmystary bastaldy.
"Men Hak Prezidiumyna jaǧdaidy dereu belsendı tergeudı bastau turaly şeşımım turaly habarladym. Bızdıŋ däleldemeler jinau boiynşa jūmysymyz bastaldy", - delıngen prokurordyŋ mälımdemesınde.
Karim Han 28 aqpanda Ukrainadaǧy jaǧdaidy aldyn ala tergeuden tuyndaityn jäne HQS qūzyretıne jatatyn kez kelgen qylmysty qamtityn onyŋ äkımşılıgınıŋ aldyŋǧy tūjyrymdary negızınde tergeudı bastauǧa sanksiia sūrau turaly şeşım qabyldaǧan bolatyn.
"Sol mälımdememde eger Rim statutyna qatysuşy kez kelgen memleket basqarmaǧa statuttyŋ 14-babynda körsetılgendei tiıstı tüsınık berse, tergeuler edäuır tez ötetının aittym", - dedı Han.
Prokuror osydan keiın olar HQS-ke qatysuşy memleketterden Ukrainadaǧy jaǧdai turaly ūsynystar alǧanyn aitty. Ol öz mındetterın oryndauǧa kırısıp, özara tolyqtyru qaǧidatyn saqtai otyryp, obektivtı jäne täuelsız tergeu jürgızudı qamtamasyz etıp, janjaldyŋ barlyq müddelı tarabymen özara ıs-qimyl jasauǧa ūmtylatynyn atap öttı.
Aita keteiık, Ukraina HQS qūramyna kırmeidı, bıraq būǧan deiın ol 2013 jyldyŋ 21 qaraşasynan bastap elde jasalǧan yqtimal qylmystarǧa qatysty sottyŋ qūzıretın moiyndap, ekı ötınış bergen.
“Adyrna” ūlttyq portaly
