Shymkent qalasynda «Aǵash otyrǵyzý - ekologııaǵa óz úlesińdi qosý» atty jalpy qalalyq senbilik ótti.
Tazalyq jumysyna qala turǵyndary, kásiporyndar, mekemeler men uıymdardyń qyzmetkerleri belsendi qatysty. Olarmen kóp qabatty turǵyn úı aýlalary men jeke sektorlardaǵy kóshelerde tazalaý jumystary júrgizildi.
Jalpy qalalyq senbilikke 30 myńnan asa adam qatysyp, 110 tehnıka jumyldyryldy.
Sonymen qatar, qalalyq jaıly ortany damytý basqarmasy, Abaı aýdanynyń ákimdigi, «Vuild Stroud» mekemesiniń qyzmetkerleri jáne Qazyǵurt shaǵyn aýdanynyń turǵyndary birlesip memlekettik orman qory jerlerin qorǵaý jáne tolyqtyrý maqsatynda senbilik ótkizdi. Senbilik barysynda 4000 dana aǵash kóshetteri otyrǵyzyldy jáne aýmaqty qoqystan tazalaý jumystary júrgizildi.
Ol jumystarǵa 300 adam jumyldyrylyp, 24 tehnıka tartyldy.
Sondaı-aq, A.Asqarov atyndaǵy dendrologııalyq saıabaq aýmaǵyna, atalǵan kásiporyn qyzmetkerleriniń qatysýymen 2000 túp qylqan japyraqty boz arsha (mojjevelnık) aǵashy otyrǵyzyldy.
