Pavlodarlyq «Til janashyry» «Qurmet» belgisiniń ıegeri Rýza Beısenbaıtegi redakııamyzǵa habarlasyp, ózine kúsh qoldanylǵanyn aıtty. Qoǵamdyq oryndarda qazaq tilinde qyzmet kórsetýdi suraǵan turǵynǵa kúsh qoldanylsa da, jergilikti polıııa qol ushyn sozbaǵan kórinedi. Búgin 13 jyl boıy qazaq tili úshin kúresip kele jatqan Rýza Beısenbaıtegi akııaǵa shyqpaq.
— Búgin «Baqaýov, qazaq tilin qorlatpa!» degen uranmen akııaǵa shyǵamyn. Sebebi polıııa eshteńe istemeı otyr. Osydan biraz ýaqyt buryn Jasqaırat Qaıyrov degen jergilikti polıııa basshysy «Biz barlyq polıııa qyzmetkerlerin shaqyryp barlyq turǵyn qazaq tilinde sóıleýge, qazaq tilinde jaýap alýǵa quqyly ekenin aıtamyz. Tilge baılanysty daý shyqsa, oqıǵa ornynan baryp sheshemiz», – dep aıtqan bolatyn. Arada bir apta ótse de, eshqandaı nátıje bolǵan joq, – deıdi Rýza Beısenbaıtegi.
Til janashyrynyń aıtýynsha, jergilikti bılik pen jergilikti polıııa qurǵaq sózben jyly jaýyp qoıýǵa úırengen. Pavlodar oblysynyń ákimi Bolat Baqaýovqa eki ret telefonogramma jibergenin de aıtty.
— Baqaýovqa eki ret telefonogramma tastadym. Ekeýi de qoǵamdyq kólikte aıaldamalardy, jol aqysyn tóleýdi qazaq tilinde aıtýdy suraǵanyma baılanysty. Birinshisinde eger polıııa qyzmetkerleri kelmese, avtobýstyń astyna túsemin dep aıttym. Al ekinshisinde akııa jasaǵaly jatqanymdy habarladym», – deıdi Rýza Beısenbaıtegi.
Aıta ketsek, osydan aı buryn Rýza Beısenbaıtegi redakııamyzǵa habarlasyp, avtobýs kondýktorynan jolaqysyn qazaq tilinde suraýdy ótingen. Artynsha is nasyrǵa shaýyp, polıııa qyzmetkerleri kelmese, avtobýstyń astyna túsetinin aıtqan edi.
Rýza Beısenbaıteginiń aıtýynsha, onyń akııaǵa shyqqannan basqa amaly qalmaǵan. Jergilikti polıııa oblysy ákimine baǵynyshty, onyń sózinen attap shyǵa almaıdy.
— Qolymda qazaq tilinde qyzmet kórsetýin suraǵanym úshin meni avtobýstan súırep shyǵarǵan, telefonymdy tartyp alǵan vıdeolar bar. Men sol vıdeolardy polıııaǵa kórsetkim keldi. Alaıda meni mazaq qylǵan adamsha úsh polıııa kóligi janymnan ótti. Mende onyń da vıdeosy bar. Bir saǵattan keıin aıaldamadan 100 metr jerge polıııa kóligi kelip toqtady. Baryp, mán-jaıdy aıtqanymda, «bizge eshqandaı tapsyrma berilgen joq, eshteńe isteı almaımyz», – dep aıtty, – deıdi Rýza Beısenbaıtegi.
— Men osylaı etpesem, biz osylaı etpesek qazaq tili qorlana beredi, – dep kúıinishpen aıaqtady sózin Rýza Beısenbaıtegi.
Pavlodar oblysynyń ákimi Bolat Baqaýov Memlekettik tildiń mártebesin qorǵap, júıeli is qylýǵa shamasy keler dep sengimiz keledi. Áıtpese, basqa emes, Aqordaǵa baryp, «Til janashyry» «Qurmet» belgisi marapatyn alǵan Rýzadaı qoǵam qaıratkeriniń ózi osylaı qazaq tilinde sóılegeni úshin japa shegip jatsa, qarapaıym qazaqtyń kúıi qandaı bolmaq? Óńirde memlekettik til mártebesin asqaqtatýǵa shamasy kelmese, Baqaýov bul qyzmette ne úshin otyr degen zańdy suraq ta týyndaıdy. Biz oblys ákimi árbir tramvaıdy aralap júrý kerek demeımiz, alaıda quzyrly organ basshylarynyń Memlekettik til mártebesin qorǵaýyn qadaǵalaý ákimniń tikeleı eń mańyzdy jumysy emes pe?..
Qamshy.kz
