Qazaqstan Ulttyq Banki valıýtalyq saýda-sattyqty toqtatýy múmkin

4687

Ulttyq bank «Qazaqstan qor bırjasy» AQ-pen birlesip teńge – AQSh dollary valıýta juby boıynsha saýda-sattyq reglamentin ózgertý týraly sheshim qabyldady, dep habarlaıdy "Adyrna" ulttyq portaly.

"Qazaqstan qor bırjasy" taratqan málimdemesinde: "28 aqpanda saýda-sattyq Nur-Sultan qalasynyń ýaqyty boıynsha saǵat 15-00-de Frankfýrt aýkıony formatynda ashylady", - delingen.

Bul sharalar ýaqytsha sıpatqa ıe, belgisizdiktiń joǵary dárejesin jáne syrtqy geosaıası faktorlar tarapynan valıýta naryǵyna jáne el ishindegi qarjylyq turaqtylyqqa kórsetiletin qysymdy barynsha azaıtý qajettiligin kórsetedi.

Sonymen qosa, syrtqy qarjy naryqtaryndaǵy qazirgi sáttegi asa aıqyndalmaǵan jaǵdaılardyń ózgerýine qaraı Ulttyq bank «Qazaqstan qor bırjasy» AQ-pen birlesip 28 aqpanda Nur-Sultan ýaqyty boıynsha saǵat 15-00-ge deıin bırjalyq valıýtalyq saýda-sattyqty tolyq toqtata turý týraly máseleni qaraýy múmkin.

Teńge – AQSh dollary valıýta juby boıynsha saýda-sattyqtyń budan bylaıǵy rejımi týraly aqparat resmı baılanys jasaý arnalary arqyly ýaqytyly jetkiziletin bolady.

"Adyrna" ulttyq portaly

Pikirler
Redakııa tańdaýy