Ýkraına Qarýly kúshteri Kıev oblysyndaǵy Gostomel mańyndaǵy «qadyrovtyq» polkti artıllerııamen shabýyldady. Bul týraly ýkraınalyq «24 kanal» telearnasy habarlady, dep jazady "Adyrna" ulttyq portaly orda.kz-ke silteme jasap.
Qadyrov gvardııasynyń 141-shi motoatqyshtar polkiniń bastyǵy Magomed Týshaevtyń kózi joıyldy. Gostomel mańynda (Kıev oblysy) «qadyrovtyqtarmen» shaıqas kezinde Ýkraına qarýly kúshteri sheshen áskerılerine aýyr soqqy jasady.
Joǵarǵy Radanyń halyq depýtaty Alekseı Goncharenko «Facebook» áleýmettik jelidegi paraqshasynda Ýkraına armııasynyń Gostomeldegi bólimsheleri «qadyrovtyqtar» tutqynyn tize búktirgen kúıinde alǵanyn atap ótti.
Derekkózder qaqtyǵys kezinde Ýkraına áskeri bólimsheleri Sheshenstan Ulttyq gvardııasynyń 141-shi motoatqyshtar polkiniń bastyǵy sheshen generaly Magomed Týshaevty joıǵanyn habarlady. Bul Qadyrovtyń elıtalyq bólimsheleriniń biri.
«Qadyrovshylar» polkiniń talqandalýy jáne Magomed Týshaevtyń qaıtys bolǵany týraly aqparatty óziniń Telegram-arnasynda Kıevti qorǵaýǵa qatysatyn ýkraın ultshyldarynyń jetekshisi Evgenıı Karas rastady.
Kelip túsken aqparatqa sáıkes, Ýkraına Qarýly kúshteriniń artıllerııasy sheshen polkin joıdy. Qaza tapqan sheshen jaldamalylarynyń máıitteri Gostomel mańynan tabyldy.
"Adyrna" ulttyq portaly
