Resei musorǧa ainaldy. Osynyŋ arqasynda Qazaqstan TMD boiynşa investisiialyq tartymdylyǧy eŋ joǧary el statusyn alyp otyr.
Suverendı reiting naryǧyndaǧy etalon - S&P Reseidıŋ ūzaq merzımdı kredittık reitingın BB+ deŋgeiıne tüsırdı. Būl investisiialyq deŋgeiden tömen, qarjygerler tılımen "musor" dep atalady. İnvestorlar Reseidıŋ qaryz obligasiialarynan tolyq ketude, al erteŋge tıke köz salatyn bolsaq, endı Reseidıŋ halyqaralyq qarjy, investisiia naryǧynda eşqandai bolaşaǧy joq.
Qazaqstannyŋ reitingı VVV-. İnvestisiia üşın tartymdy, jaǧdaiy tūraqty degendı bıldıredı. Ärine, bız AAA bola almaimyz, bıraq öz aimaǧymyzda köş bastaǧanymyzdan bırneşe dividend aluǧa bolady.
Reseidıŋ būǧan deiın jinaqtaǧan rezervterı tausylǧannan keiın (menıŋ esebımşe 2-3 jyl), bız Euraziialyq odaq kölemınde orys gasterbaiterlıgımen betpe-bet keluımız mümkın. Orys gasterbaiterlerı bırınşı kezekte Qazaqstanǧa aǧylatyn bolady. Bızdıŋ ekonomika oǧan daiyn ba? Qazırden bastap bolaşaq orys gasterbaiterlerın tiımdı paidalanu, äsırese tehnikalyq mamandyq ielerın jaŋa innovasiialyq salalar qūruǧa jūmyldyru boiynşa jospar qūru qajet.
Sonymen bırge, sanksiiadan ne ısterın bılmei otyrǧan, būǧan deiın Reseide jetıstıkke jetken, tehnologiialary bar IT kompaniialardy öz iurisdiksiiamyzǧa alyp, olardy Qazaqstanǧa ırı salyq tölep, bızdıŋ mamandarǧa jūmys oryndaryn aşatyndai şūǧyl kelıssözder ötkızuge bolady. Ol biudjettıŋ köptegen problemalaryn şeşedı.
Qazır, jaǧdaidy intuitivtı sezınıp otyrsaŋyz, Qazaqstanǧa köptegen keremet mümkındıkter aşyldy. Bızdı qanşa mäjbürlese de, Reseidı saiasi qoldap mälımdeme jasauǧa asyqpau kerek. Ündemei uaqyt sozǧan dūrys. Basty maqsat, Qazaqstandy sanksiiadan aman alyp qalu. Batys elderı Qazaqstannyŋ qazırgı deoligarhizasiia baǧytyn öte jyly qabyldap otyr, bızge degen közqarastary jaqsy. Būl elımızge tamaşa şans beredı.
Aibar OLJAEV
