QR Prezidentı Qasym-Jomart Toqaev jergılıktı äkımdıkterge tūrǧyndarmen tyǧyz bailanys ornatyp, azamattardyŋ mäselelerın der kezınde şeşudı tapsyrǧany belgılı. Osyǧan orai «Aşyq esık künı» aiasynda Şymkent qalasy äkımınıŋ bırınşı orynbasary Şyŋǧys Mūqan azamattardy jeke mäselelerı boiynşa qabyldady.
«Türkıstan» saraiynda ötken qabyldauǧa kelgen azamattar ärtürlı mäselelerdı qozǧady. Mäselen, qala tūrǧyny Berık Beisentaev ekı jasar ūly Älimūra Yryskeldınıŋ 2021 jylǧy 15 jeltoqsannan berı «Asar» şaǧyn audanyndaǧy qalalyq balalar auruhanasynyŋ jansaqtau bölımınde jatqanyn, emdık şaralardyŋ nätijelı bolmai jatqanyn aityp kelıptı. Soǧan bailanysty balasyn elordadaǧy emdeu mekemelerıne joldauǧa kömek körsetudı sūraidy.
Qala äkımınıŋ bırınşı orynbasary qalalyq densaulyq saqtau basqarmasynyŋ ökılderıne mäselenı nazarǧa aludy tapsyrdy. Öz kezegınde balanyŋ öte diagnozy öte kürdelı ekenın, barlyq qajettı em taǧaiyndalǧanyn, sonyŋ arqasynda qazır näreste tütık arqyly ana sütımen tamaqtandyryla bastaǧanyn jetkızdı. Balanyŋ jaǧdaiy tūraqtalyp, özdıgınen tynys alatyn jäne tamaqtanatyn jaǧdaiǧa jetken kezde ony özge emdeu mekemesıne auystyruǧa bolatynyn, oǧan deiın tasymaldau qauıptı ekenın tüsındırdı.Şyŋǧys Jūmabekūly balanyŋ sauyǧyp ketuıne tılıktestık bıldırıp, mäselenıŋ soŋyna deiın jeke baqylauynda ūstaitynyn jetkızdı. Sonymen qatar qabyldauǧa kelgen azamattar jūmyspen qamtu, medisinalyq qyzmettıŋ sapasy, mügedektık taǧaiyndau, äleumettık kömek alu jäne özge de mäselelerdı qozǧady. Qala äkımınıŋ bırınşı orynbasary barlyq tūrǧyndardyŋ şaǧymdary men ötınışterın jäne ūsynystaryn mūqiiat tyŋdap, barlyǧyna jan-jaqty jauap berdı. Qala äkımdıgınıŋ tūrǧyndarmen aşyq dialog qūruǧa daiyn ekenın aityp, mäselelerdıŋ zaŋ şeŋberınde şeşıletının jetkızdı.
