Shymkent qalasynda ótken jyly 1 mln astam sharshy metr turǵyn úı paıdalanýǵa berilgen. Onyń 571,7 myń sharshy metri kópqabatty úı. Nátıjesinde ındekator kórsetkishi 2020 jylmen salystyrǵanda 56 paıyzǵa ulǵaıǵan. Bıyl 1 mln 60 myń sharshy metr úıdi qoldanysqa berý kózdelip otyr.
Bul týraly qala qurylysy basqarmasynyń basshysy Ábilseıt Rabaev qala ákimdiginiń «Instagram» paraqshasyndaǵy tikeleı efırde baıandady.
Basqarma basshysy ótken jyly atqarylǵan jumystarǵa toqtalyp, bıylǵy josparlarmen bólisti.
2021 jyly bıýdjet esebinen 4 832 páterli 79 turǵyn úıdiń qurylysy eki baǵytta júrgizilgen. Onyń 1 656 páterli 26 úı arendalyq bolsa, 3 176 páterli 53 kópqabatty úı kredıttik baǵytta. Jyl qorytyndysymen 1 860 kredıttik páter men arendalyq 336 páter paıdalanýǵa berilgen.
–Bıyl «Nurly jer» baǵdarlamasy aıasynda bıýdjet esebinen 2 972 páterli 51 kópqabatty turǵyn úıdiń qurylysy júrýde. Bul úılerdiń 1 652 páteri kredıttik baǵytta, 1 320 páteri arendalyq. Atalǵan úılerdiń qurylysyn aǵymdaǵy jyly aıaqtap, paıdalanýǵa tapsyrý josparlanyp otyr -dedi Á.Rabaev.
Efır barysynda 100-den astam suraq kelip tústi. Suraqtardyń basym bóligi turǵyn úı kezegine qatysty boldy. Basqarma basshysy bul saýaldarǵa turǵyn úı basqarmasy jaýapty ekenin jáne qurylys salasyna qatysty suraqtyń bárin jiti baqylaýǵa alatynyn jetkizdi.
