Şymkentte ötken jyly şalǧai ornalasqan 14 eldı mekenge bazalyq stansiia ornatylyp, mobildı internet jelısımen qamtu körsetkışı 91% jettı.
Būl turaly sifrlandyru basqarmasynyŋ basşysy Äset Äbdırahanov @akimat_shymkent instagram paraqşasynda ötken tıkelei efir barysynda baiandady.
Basqarma basşysynyŋ sözınşe, 2022 jyly internet sapasy tömen 11 eldı mekenge bazalyq stansiia ornatylady. Olar: Aqniet, Qyzyljar, Martobe, Dostyq, Jaŋatalap, Eltai jäne Toǧys, Täuelsızdıkke 20 jyl, Azat, Tūran, Asar jäne Qūrsai şaǧyn audandary. Nätijesınde, 71 200 qala tūrǧyny sapaly internetke qol jetkızıp, qamtu ülesı 95% jetedı.
–2021 jyly jeke investor esebınen 10 eldı mekenge talşyqy optika jelısı jürgızılıp, 100 myŋǧa juyq qala tūrǧyny sapaly internetke qosyluǧa mümkındık jasaldy. Al, 2022 jylǧy jospar boiynşa, 15 qaladan eldı meken (Samal-3, Aqniet, Qyzyljar, Yntymaq, Jailau, Qarasu, Soltüstık-Batys, Qarabastau, Zabadam, Miras, Märtöbe, Asar-2, Qainarbūlaq, Qūrsai, Qazyǧūrt) talşyqty optika jelısımen qamtylady, - dedı Ä.Äbdırahanov.Ötken jyly Ubiquiti Networks tehnologiiasy arqyly qaladaǧy 30 qoǧamdyq orynǧa tegın WI-FI ıske qosylǧan. Biyl qoǧamdyq oryndardy internetpen tolyq qamtu üşın 9 jerge 25 qūrylǧy ornatylady. Efir barysynda tūrǧyndardan 70-ten astam sūraq kelıp tüstı. Basqarma basyşysy är bır tūrǧynnyŋ sūraǧyna jeke jauap berdı.
