Reseı elshisi: Donbass pen Lýgansk Ýkraınanyń bir bóligi

2795

Reseıdiń AQSh-taǵy elshisi Anatolıı Antonov amerıkalyq CBS telearnasyna Máskeýdiń basqa elderden aýmaqty tartyp alýǵa áreket jasamaıtynyn aıtyp, Donbasstyń Ýkraınanyń bir bóligi ekenin atap ótti, dep habarlaıdy "Adyrna" ulttyq portaly Tengrinews.kz-ke silteme jasap.

"Eshqandaı basyp kirý joq. Mundaı josparlar da joq. Biz shet elderdiń eshbir aýmaǵyn basyp alýǵa tyryspaımyz. Men Donbass pen Lýgansk Ýkraınanyń bir bóligi ekenin rastaǵym keledi. Biz Reseı aýmaǵynyń perımetri boıynsha titirkendirgishterdi kórgimiz kelmeıdi. Biz Ýkraınamen turaqty, jaqsy qarym-qatynasqa múddelimiz. Al bizdiń qalaýymyz – Lýgansk pen Donbassta turatyn halyqtardyń ana tilinde sóılep, kez kelgen qoǵamnyń barlyq quqyqtaryn paıdalanýyna múmkindik berý», - dedi Reseı dıplomaty.

Ýkraına shekarasyna jaqyn jerde Reseı áskerleriniń jınalýy týraly aıta kele, elshi Reseıdiń óz áskerlerin eldiń kez-kelgen jerine ornalastyrýǵa zańdy quqyǵy bar ekenin atap ótti.

"Biz eshkimdi qorqytpaımyz. Biz AQSh-ty qorqytpaımyz, Ýkraınany qorqytpaımyz... Degenmen, Reseı NATO-ǵa qatysty úlken alańdaýshylyq tanytyp otyr. Bul alıanstyń kúshteri Reseı shekarasyna jaqyndap qaldy", - dedi Antonov.

Elshi sondaı-aq Qyrymnyń mártebesi týraly másele Máskeý turǵysynan jabyq ekenin jáne «biz ony tipti talqylaǵymyz da kelmeıdi» dep basa aıtty.

"Qyrym máselesi sheshildi, Qyrym máselesi biz úshin jabyq. Bul Reseı terrıtorııasy, tipti bul máseleni múldem talqylaǵymyz kelmeıdi", - dedi Antonov.

Onyń aıtýynsha, Ýkraınanyń shyǵysyndaǵy daǵdarysty "Eger siz Kıevti kelissózder ústeline otyrýǵa kóndirseńiz, ony sheshý óte ońaı". "Siz Kıevti Mınsk kelisimderin oryndaýǵa sendirýińiz kerek", - dedi Reseıdiń AQSh-taǵy elshisi.

"Adyrna" ulttyq portaly

Pikirler
Redakııa tańdaýy