Reseı men Ýkraına arasyndaǵy shıelenis sharyqtaý shegine jetti. Reseı tarapy naqty qadamdarǵa kóshe bastady. 17-aqpan kúni Reseı qoldaýyna ıe Ýkraına shyǵysyndaǵy separatıster Ýkraına aýmaǵyn tolassyz artıllerııalyq soqqynyń astyna aldy. Zymyrandar balabaqshalar men mektepterge de tıgen. Bul agressııany tutas álem kórdi, sebebi álemniń jetekshi medıalary oqıǵa ornynan habar taratty, aqparat berdi.
Reseı aqparat kózderi shyndyqty burmalap kórsetti. Olar Ýkraına "Mınsk kelisimderin" buzyp, qarý qoldanýda dep atady. Osylaısha óz aýdıtorııasyna arnalǵan jalǵan aqparattar legin eselep arttyrdy. Kreml Ýkraına shyǵysyna basyp kirý úshin sebep izdeýde. Donbassta jappaı genoıd bolýda degen sóz taratyp, artynsha qorymdar tabylǵanyn aıtty. Alaıda naqtyly derekterdi kórsete almady. Artynsha Ýkraına soqqy jasap, kelisimdi buzdy dedi. Al 18-aqpan kúni Ýkraına operaııa bastaıdy degen jeleýmen separatıstik aımaqtar halyqty Reseıge ákete bastady. Sońǵy málimet boıynsha 700 myńǵa jýyq adam Reseıge evakýaııalanbaq. Donbasstan 18-55 jas aralyǵyndaǵy er azamattardyń shyǵýyna tyıym salynǵan.
Osylaısha Reseı soǵys qımyldaryn bastaýǵa daıyn. Ýkraınaǵa NATO elderi qarýmen kómek kórsetýde, al álemdik deńgeıde Reseı agressııaǵa kóshse agressordy tolyq oqshaýlaý men aýyr ekonomıkalyq sankııalar salynatyny aıtylýda. Soǵan qaramastan Reseı Ýkraınany tórt baǵytta qorshaýǵa aldy. Shyǵysynda Reseı men separatıster qolyndaǵy Donbass, batysynda Reseıdiń qoldaýymen ómir súrip kele jatqan separatıstik Prıdnestrove, soltústiginde Belarýs, al ońtústigi okkýpaııadaǵy Qyrym men Qara teńizdegi Reseı floty.
Sarapshylar urys qımyldary bastalsa, Reseı jyldam arada Ýkraına qalalaryn alatynyn aıtýda. Alaıda soǵys qalalardy alǵanmen bitpeıtinin, uzaqqa sozylǵan partızandyq soǵys bastalatyny da boljamdy.
Ashat Qasenǵalı
"Adyrna" ulttyq portaly
