Qytaı syrtqy sheteldik kúshterdiń Qazaqstanda tártipsizdik týdyryp, «túrli-tústi tóńkeris» uıymdastyrý áreketterine qarsy dep málimdedi Qytaıdyń BUU janyndaǵy turaqty ókili. Ol bul oıyn BUU men UQShU arasyndaǵy yntymaqtastyq jónindegi Qaýipsizdik keńesiniń otyrysynda aıtqan.
Qytaı Qazaqstandaǵy turaqtylyqty qalpyna keltirýge yqpal etetin barlyq sharalardy qoldaıdy. Sonymen birge Qytaı el qaýipsizdigine qaýip tóndiretin áreketterge úzildi-kesildi qarsy.
«Qazaqstanda tutanǵan úkimetke qarsy aýqymdy zorlyq-zombylyq úlken shyǵynǵa, adamı shyǵyn men múliktiń zaqymdanýyna ákeldi, bul Qytaıdy alańdatyp otyr», - dep keltiredi Sınhýa elshiniń sózin. Qytaı ókili de UQShU áskerleriniń Qazaqstanǵa kirýin maquldap, uıymnyń Qazaqstandaǵy jaǵdaıdy turaqtandyrýda oń ról atqarǵanyn aıtty.
«Qytaı Qazaqstannyń tatý kórshisi jáne turaqty jan-jaqty strategııalyq seriktesi retinde Qazaqstannyń beıbitshilik pen turaqtylyqqa qol jetkizýine úmit artady jáne eldi turaqtylyqty qalpyna keltirýde, ekonomıkasyn damytýda jáne halyqtyń ómir súrý deńgeıin jaqsartýda qoldaıdy», - dedi Chjan.
Ol Qytaı halyqaralyq qaýymdastyqtyń Qazaqstannyń egemendigin tolyqtaı qurmetteıtinine jáne eldiń aımaqtaǵy turaqtylyǵy men damýyn saqtaýda syndarly ról atqara alatynyn aıtty.
"Adyrna" ulttyq portaly
