Tóle Álibekuly — qazaqtyń ataqty shesheni, bıi, qaıratkeri. «Jeti jarǵy» zańdar jınaǵyn jasaýshylardyń biri. Óz zamanynda Qazaq handyǵynyń tutastyǵy úshin kúresken qaıratker. 1663 jyly qazirgi Jambyl oblysy, Shý óńirinde dúnıege kelgen.
Ol jastaıynan bılerdiń bas qosqan jıyndaryna qatysyp, óziniń ádildigi men sheshendiginiń arqasynda kópke tanyla bastaǵan. Ordabasy jıyny kezinde Tóle bı basshylyq jasap, jońǵar basqynshylyǵyna qarsy búkilhalyqtyq toıtarys berýge uıytqy boldy. Shashyrap ketken qazaqtardyń basyn qosyp, Reseı men Qytaı sekildi eki alpaýyt memleket arasynda ońtaıly saıasat júrgizgen Abylaı handy ókil bala etip tárbıelep, azamat qataryna qosýda Tóle bıdiń qyzmeti aıryqsha.
Qarlyǵash bı
El aýyzynda Tóle bı «Qarlyǵash bı» dep te atalady. Ony úıiniń shańyraǵyna qarlyǵash uıa salǵandyqtan kóshpeı qalyp qoıǵandyǵymen baılanystyrady. Tóle bı ómiriniń kóp jylyn Tashkenttiń, Túrkistannyń tynyshtyǵyn saqtaýǵa, gúldendirip, damýyna jumsaǵany málim. Ol 1756 jyly 93 jasynda dúnıeden ozdy. Jerlengen kesenesi Tashkenttiń ortalyǵynda.
Ataqty bıdiń naqyl sózderiniń az ǵana bóligin oqyrmandarǵa usynyp otyrmyz.
