Qazirgi kúni áleýmettik jeli kúndelikti ómirimizde ne bolyp jatqanyn anyq kórsetetin aına syńaıly. El azamattary qoǵamda oryn alǵan kez kelgen oqıǵaǵa qatysty óz oıyn, pikirin ashyq bildirýge daǵdylandy.
Máselen, jaqynda ǵana eks-prezıdenttiń úlken qyzy Darıǵa Nazarbaevanyń depýtattyq mandatyn tapsyrýy týraly másele kótergen belgili saıasattanýshy, májilis depýtaty Aıdos Sarymnyń bastamasy da jelidegi qoldanýshylardyń nazarynan tys qalmapty, dep habarlaıdy “Adyrna” ulttyq portaly “Jas Alash” basylymyna silteme jasap.
– Ótken aptada nurotandyq depýtat Aıdos Sarym erekshe kózge tústi, – dep jazdy áleýmettik jelidegi paraqshasynda belgili jýrnalıst Aıdar Ermekov. – Elimizde oryn alǵan ózgeristerden keıin onyń rýhtanǵany sonshalyq, buryn kózge elestetýge de múmkin bolmaıtyn, Darıǵa Nazarbaevaǵa qarsy oıyn ashyq aıtypty, – deıdi jýrnalıst. Sarym: – «Nazarbaeva depýtattyq ókilettigin óz erkimen tapsyrýǵa tıis, óıtkeni, onyń tegi ıaǵnı, aty-jóni Qazaqstanda qalyptasqan avtorıtarlyq júıemen baılanystyrylady» depti.
Endeshe, aıypqa buıyrmańyz, depýtat myrza, sonda siz, ózińiz múshesi bolyp tabylatyn jáne sonyń arqasynda parlamentke ótken «Nur Otan» partııasyn sol júıemen baılanystyrǵyńyz kelmeı me? Bul partııanyń kimniń týyndysy ekeni barshaǵa belgili ǵoı. Endeshe, sizge de adal adam retinde depýtattyq mandattan bas tartý kerek shyǵar.
“Adyrna” ulttyq portaly
