Túrkimenstannyń qazirgi basshysynyń uly Serdar Berdimuhamedov aldaǵy saılaýda Prezıdenttikke úmitker retinde usynylady dep kútilýde. Bul týraly "Adyrna" ulttyq portaly jazady.
Orda.kz málimdeýinshe, Túrkimenstannyń Salam News ınternet-basylymy osylaı habarlady.
«Búgin Túrkimenstannyń qoǵamdyq uıymdarynyń ortalyǵynda Túrkimenstan demokratııalyq partııasynyń kezekten tys IX sezi ótti. Onyń kún tártibine sáıkes Túrkimenstan prezıdenttigine Túrkimenstan Mınıstrler kabıneti tóraǵasynyń orynbasary Serdar Qurbanǵulyuly Berdimuhamedovtiń kandıdatýrasy usynyldy. Kongresske qatysýshylar Túrkimenstan prezıdenttigine úmitker Serdar Berdimuhamedovtiń sózin tyńdap, qoldady» delingen taratqan habarlamada.
Eske sala keteıik, Túrkimenstandy 2007 jyldan beri basqaryp kele jatqan prezıdent Qurbanǵuly Berdimuhamedov damýdyń jańa kezeńinde memlekettik basqarýǵa jol jastarǵa berilýi kerek degen bolatyn.
"Adyrna" ulttyq portaly
