Memleket basşysy Hazıret Sūltan meşıtıne baryp, qaŋtar oqiǧasy kezınde qaitys bolǧan azamattardyŋ ruhyna qūran baǧyştau räsımıne qatysty.
Qasym-Jomart Toqaev qūran baǧyştalǧan soŋ arnaiy söz söiledı. Qazaqstan Prezidentı biylǧy jyl elımız üşın qaiǧyly oqiǧadan bastalǧanyn, halqymyz öte qiyn künderdı bastan ötkergenın aitty.
– Memleketımızdıŋ tūtastyǧyna, azamattarymyzdyŋ qauıpsızdıgıne, elımızdıŋ bolaşaǧyna qauıp töndı. Bız laŋkesterge der kezınde toitarys berıp, betın qaitardyq. Ökınışke qarai, dürbeleŋde bırqatar azamatymyz qaza tapty. Būl – naǧyz qasıret. Qazırgı taŋda tiıstı mekemeler azamattardyŋ ärbır ısı boiynşa tergeu jūmystaryn jürgızıp jatyr. Adam qūqyǧyn qorǧau mäselesı men üşın asa maŋyzdy. Qaiǧyly jaǧdai bükıl eldıŋ qabyrǧasyn qaiystyrdy, – dedı Qasym-Jomart Toqaev.Memleket basşysy osyǧan bailanysty Jalpyūlttyq aza tūtu künı jariialanǧanyn eske saldy.
– Sol qasırettı oqiǧadan berı 40 kün öttı. Bügın marqūmdardyŋ ruhyna qūran baǧyştau üşın meşıtke arnaiy keldım. Qaza bolǧan adamdardyŋ jaqyndaryna taǧy da köŋıl aitamyn. Memleket qaraly şaŋyraqtardy qarausyz qaldyrmaidy. Men qaitys bolǧan azamattardyŋ otbasylaryna qarjylai kömek körsetudı tapsyrdym, – dedı Prezident.Qasym-Jomart Toqaev «Qazaqstan halqyna» qory da osy qaiyrymdylyq jūmysqa atsalysady dep oilaitynyn, endı halqymyzdyŋ tynyştyǧyn būzuǧa jol berılmeitının jetkızdı.
– Halqymyzdyŋ bereke-bırlıgı men tynyştyǧyn būzuǧa jol bermeimız. Būl – bilıktıŋ ǧana emes, barşa azamattarymyzdyŋ ortaq boryşy. Mūndai qasıret eşqaşan bolmasyn!», – dedı Memleket basşysy.Sözınıŋ soŋynda Prezident Qazaqstan halqyna sabyr, elımızge amandyq, jūrtymyzǧa tynyştyq tıledı Sonymen qatar öskeleŋ ūrpaq üşın tūtas el bolyp Jaŋa Qazaqstandy bırge qūruǧa şaqyrdy.
