«Egemen Qazaqstan» gazetinde 2019 jyldyń 11 sáýir kúni «Aralas nekeniń zardaby kóp» taqyrybymen maqala jarııalanyp, qazaqstandyq qyzdardyń sheteldikterge turmysqa shyǵýǵa áýes ekeni týraly birqatar kúmándi derekter keltirildi. Biz bul aqparattyń ras-ótirigin anyqtap kóreıik.
«Elimizde jyl saıyn 100 myńǵa jýyq neke qıylady. Sonyń ishinde 20 paıyzy – aralas neke. Qoǵamdyq uıymdardyń zertteýine nazar aýdarsaq, 18-20 jas aralyǵyndaǵy qazaqstandyq qyzdardyń úshten biri (onyń 50 paıyzy – qazaq qyzdary) sheteldikterge turmysqa shyǵýǵa áýes».
«Elimizde jyl saıyn 100 myńǵa jýyq neke qıylady»
Úkim: Jalǵan
Ulttyq statıstıka bıýrosy saıtyndaǵy málimetke súıensek, 2017 jyly - 141 791, 2018 jyly –137 797, 2019 jyly 139 504 neke tirkelgen. Iaǵnı, nekeler sanynyń kórsetkishi maqalada kórsetilgen sandarmen sáıkes kelmeıdi.
«Sonyń ishinde 20 paıyzy – aralas neke»
Úkim: Jalǵan
Ulttyq statıstıka bıýrosy málimetinshe, 2019 jyly ár túrli ult ókilderimen jyl ishinde 1173 neke nemese árbir segizinshi jup tirkeldi. 139 504 myńnyń 20%-y aralas neke bolsa, 27 900 myń aralas neke bolýy kerek edi. Demek, bul da jalǵan málimet.
«Qoǵamdyq uıymdardyń zertteýine nazar aýdarsaq, 18-20 jas aralyǵyndaǵy qazaqstandyq qyzdardyń úshten biri (onyń 50 paıyzy – qazaq qyzdary) sheteldikterge turmysqa shyǵýǵa áýes»
Úkim: Jalǵan
Ulttyq statıstıka bıýrosy málimetine súıensek, 2019 jyly jalpy nekege turǵandar sanynan 14,4%-ǵa jýyǵy erler - qazaqtar ózge ult áıeldermen nekege turýdy jón sanaǵan, áıelder - qazaqtar – 9,9%. Iaǵnı, atalǵan paıyzdyq kórsetkish maqaladaǵy sandarmen sáıkes kelmeıdi.
Zarına ÁShIRBEK,
"Adyrna" ulttyq portaly
