Ekibastuzda jaldamaly páterlerdiń birinen tórt naýqas, ash bala tabyldy. Balalar ata-analarymen birge antısanıtarııalyq jaǵdaıda ómir súrip kelgen, sońǵy úsh kún nár tatpaǵan. Úıdegi úlken bala jeti jasta, qalǵandary bes, tórt jáne úshte. Balalar júre almaıdy, adamdardan qorqady, - dep habarlaıdy "Adyrna" ulttyq portaly Tengrinews.kz saıtyna silteme jasap.
Eriktilerdiń aıtýynsha, otbasynyń jaǵdaıy týraly Ekibastuz qalasy ákimdiginiń qyzmetkerleri habarlap, qoǵamnan kómek suraǵan.
"Buǵan deıin kórshileri polıııaǵa páterde janjal, shý bolyp jatyr dep habarlaǵan. Quqyq qorǵaýshylar páterge kelgende bári tynysh boldy, biraq ata-anasymen birge ash, jalańash balalar otyrǵan. Bizdiń topqa kómek týraly habar kelgende tez arada azyq-túlik, jórgek, sabyn, tazartqysh quraldarǵa aqsha jınap, qolda bar zattardy jınap, demeýshi bergen nárseni otbasyǵa apardyq", - deıdi jergilikti eriktiler Instagram-da.
Kóp balaly otbasynyń jaǵdaıy eriktilerdiń záresin ushyrdy. "Balalar las páterde turǵan, barlyq jerde nájis, zárdiń ıisi, shybyn. Balalar jalańash, kir-qojalaq. Eshqaısy júre almaıdy. Qyzdyń ishi úlkeıip ketken, uldardyń biri eki kúnnen asa qusyp júr, eki úlken balanyń aıaǵy qoıyrylyp qalǵan. Olar úsh kún nár tatpaǵany belgili boldy, úıde tamaq joq", - deıdi erikti Lıýdmıla Bylınına.
Eriktiler polıeılermen birge jedel járdem shaqyryp, balalardy anasymen birge shuǵyl túrde aýrýhanaǵa jatqyzdy.
"Balalar syrtqa shyqpaıdy, serýendemeıdi, adamdardan qorqady, maýglı sııaqty. Anasynyń aıtýynsha, olardyń densaýlyǵy jyl saıyn nasharlaı bergen. Al shamamen bir jyl buryn júrmeı qalǵan", - deıdi eriktiler.
Sondaı-aq, kámeletke tolmaǵandardyń birde-biri medıınalyq mekemege tirkelmegeni jáne dárigerlerge qaralmaǵany anyqtaldy. Otbasy Ekibastuzǵa úsh jyl buryn aýyldan kóship kelgen, jaldamaly páterde ákesiniń kezdeısoq tabysy men balalardyń 27 jastaǵy anasy alatyn járdemaqyǵa turady.
Qazir balalar Pavlodar oblystyq balalar juqpaly aýrýlar aýrýhanasynda jatyr.
"Balalarda pnevmonııa órship ketken, jaǵdaıy ortasha aýyr, bireýinen kovıd rastaldy. Sondaı-aq, olardan rahıt anyqtaldy. Ata-anasy olardy nege emdemegeni belgisiz. Keshe biz balalarǵa kıim, oıynshyqtar jınap, aýrýhanaǵa jetkizdik. Biz balalardy áli de qutqarýǵa bolady dep úmittenemiz, múgedek bolyp qalmasa eken", - deıdi Bylınına.
Onyń aıtýynsha, qazir erli-zaıyptyny ata-ana quqyǵynan shekteýge qujattar daıyndalyp jatyr.
Ekibastuz qalasynyń ákimi Ardaq Qańtarbaev jaǵdaıǵa túsinik berdi.
"Biz ózimizdi tańǵalyp otyrmyz, baryp keldik, sumdyq. Olar eshqaıda tirkelmegen. Endi sebebin anyqtap jatyrmyz, HHI ǵasyrda mundaı qalaı bolýy múmkin? Otbasyna barlyq kómek kórsetilip jatyr", - dedi ol.
Qala basshysy qabyldanǵan sharalar týraly tolyǵyraq aqparatty keıinirek habarlaýǵa ýáde berdi.
"Adyrna" ulttyq portaly
