Eńbekshi aýdany jastar resýrstyq ortalyǵynyń uıymdastyrýymen memleket jáne qoǵam qaıratkeri, «Qurmet» ordeniniń ıegeri, parlamenttiń eks depýtaty, Otyrar, Sozaq aýdandarynyń qurmetti azamaty, Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti janyndaǵy aqparattyq-aǵartýshylyq shtabynyń múshesi Shalataı Myrzahmetovpen kezdesý ótti.
Kezdesýdiń maqsaty – halyq arasynda rýhanı birlikti, tatýlyq pen yntymaqtastyqty nyǵaıtý jáne otansúıgishtik sezimdi tárbıeleý.
Kezdesýge Shymkent qalasy ishki saıasat jáne jastar isteri jónindegi basqarmasynyń «Jastar resýrstyq ortalyǵy» KMM-niń basshysy Maǵjan Isahov, ortalyq mamandary jáne Shymkent qalasy M.Saparbaev atyndaǵy «Parasat» kolledjiniń stýdent jastary qatysty.
Shalataı Myrzahmetuly jastarǵa Táýelsizdiktiń alǵashqy kezeńderi men táýelsiz eldiń memlekettiliginiń qalyptasýy tarıhynan mazmundy estelikter men ózindik oılaryn qosa áńgimelep berdi. Sonymen birge búgingi aǵa urpaqtyń jastardan kútip otyrǵan úmitteri týraly da oılaryn ortaǵa saldy.
Stýdentter de óz kezeginde taqyryp aıasyndaǵy áńgimelerge qyzyǵýshylyqtaryn tanytyp túrli suraqtaryna jaýap aldy.
Shymkent qalasy ákimdiginiń baspasóz qyzmeti
