Bıyl Shymkentte 1 605 azamatty satyp alý quqyǵynsyz turǵyn úımen qamtý josparlanǵan. Onyń ishinde kópbalaly otbasylar – 476, halyqtyń áleýmettik jaǵynan álsiz toby (jetim jáne ata-ananyń qamqorlyǵynsyz qalǵandar-54) – 272, jumys isteıtin jastar – 857.
Bul týraly qala ákimine turǵyn úı basqarmasynyń basshysy Ǵ.Ýtenbaev esepti jıyn kezinde baıandady.
Ótken jyly 456 kópbalaly otbasy (240 páter jalǵa berilgen, 216 páter nesıege berilgen) jáne 744 halyqtyń áleýmettik álsiz toby (272 páter jalǵa berilgen, 472 páter nesıege berilgen, onyń ishinde 68 jetim bala), memlekettik qyzmetker jáne bıýdjettik sala sanatyndaǵy 1 108 azamat nesıelik, jalǵyz turǵyn úıi apatty dep tanylǵan 1 azamat nesıelik turǵyn úımen qamtyldy.
Alǵashqy jarnasyn óteý maqsatynda jalpy 416 turǵyn úı sertıfıkaty áleýmettik kómek retinde óteýsiz negizde berilgen. Onyń ishinde «Baqytty otbasy» baǵytynda - 149, «Shańyraq» jeńildetilgen nesıelik baǵyty boıynsha 267 azamat turǵyn úı sertıfıkatyn ıelengen. Turǵyn úı sertıfıkattaryn berý úshin bul jyly da jergilikti bıýdjetten 500 mln. teńge qarjy qarastyrylǵan.
Shymkent qalasynda turǵyn úıge muqtaj azamattar kezegine turý avtomattandyrylǵan, tizimde 48 623 azamat tirkelgen. Aldyńǵy jylǵa qaraǵanda kezekte turǵandar sany artqan. Onyń basym bóligi «Memlekettik qyzmetshiler jáne bıýdjettik mekemelerdiń qyzmetkerleri» jáne kóp balaly sanatyndaǵylar. Atalǵan azamattardy turǵyn úımen qamtý maqsatynda qalamyzda mıllıon sharshy metrden asa turǵyn úı qurylysy júrip, barlyq nesıelik baǵdarlamalar boıynsha kómek kórsetý tetikterin jetildirý kózdelgen. Bıyl bul maqsatta «5-20-25» turǵyn úı baǵyty boıynsha 18 turǵyn úıdi jáne «7-20-25» baǵytymen 15 turǵyn úıdi paıdalanýǵa berý josparlanýda.
Jıyndy qorytyndylaǵan qala ákimi M.Áıtenov turǵyn úı boıynsha Zańnamalardy turǵyndarǵa únemi túsindirip otyrýdy tapsyrdy. Sonymen birge, mańyzdy baǵyttardyń biri - renovaııa baǵdarlamasy ekenin aıtyp, oǵan ınvestorlardy tarta otyryp qoldaý kórsetýdi júktedi.
Shymkent qalasy ákimdiginiń baspasóz qyzmeti
