10 jasar qyzyn öz ata-anasy satyp jıbergen. Bauyr etı balasyn ömır sürsın dep emes, jynystyq qūldyqqa bergen, dep habarlaidy “Adyrna” ūlttyq portaly Astana telearnasyna sılteme jasap.
Nigora Özbekstanda tuǧan. Ony nebärı on jasynda ata-anasy beitanys adamdarǧa bır şabadan aqşaǧa sata salypty.
"Perzent kerek joq, aqşa kerek dedı. Äkem naşaqor edı, mamam ışedı. "Äke" dep jylap edım, būrylyp qaramady da. Atam menı satady degen sözdı estıgennen keiın jüregı ūstap qaitys boldy. Jalǧyz janaşyrym sol kısı edı. Odan berı tuystarym da ızdegen emes", - deidı Nigora.
Sūrauy joq kışkentai qyzdy satyp alǧandar alǧaşynda Saryaǧaşqa, odan berı Şymkentke qarai äkelgen körınedı. Aituynşa, tuǧaly ata-anasynan eş jylulyq körmegen. Seksualdyq qūldyqta baqandai toǧyz jyl ömırı ötıptı. Ol jerde özınen basqa jiyrma şaqty qyz boldy deidı. Olardy qaraŋǧy üiden attap bastyrmaǧan, ūryp-soǧady eken. Jürek jalǧauǧa tek qara nan men su bergen.
"Aştyqtan talai qyz ölıp qaldy sol jerde. Keibırın şetelge satyp jıberdı. Bızdı bır bırımızben aralastyrmaityn. Jynystyq qatynasqa tüsuden bastartsaq temırmen, şynşyrmen ūryp, basyma tapanşa taqaityn. Qaraŋǧy qapastaǧy tırşılıkten janaşyr bır azamat şyǧuǧa kömektestı", - dep qosty Nigora.
Basqa barar jerı joq bolmaǧandyqtan Nigora ekı aidan berı daǧdarys ortalyǧyn panalap otyr. Qolynda säbiı bar. Sözınşe, ūlynyŋ äkesı aiaǧy auyr ekenın bılgen soŋ tastap ketken. Bır bäleden qūtyldym degende, ekınşısıne tap bolǧan körınedı.
Jaǧdaiyŋdy jasaimyn degenge senıp, ekınşı ret te qūldyqqa tüsıp qala jazdaǧanyn aitady. Bıreuler ony malǧa jegıptı. Ol jerden erıktılerdıŋ arqasynda qūtylǧan.
"Baiaǧy armany bar-au deimın. Balalyq kezı seksualdyq qatynasta, zorlyqta bolǧannan keiın būl köp närsenı ömırde joǧaltqan. Sol joǧaltqan qasietterın qaitadan osy anaǧa bergımız keledı. Öitkenı ol armanyn aita bermeidı", - deidı "Kömek" ortalyǧynyŋ direktory Malika Jüsıpova.
Nigora jasy otyzǧa taiaǧanda alǧaş ret qolyna qalam alyp,ärıp tanyp jatyr. Onyŋ ata-anasy, tuysqandary ızdestırılude. Bıraq ol özın aqşaǧa satyp jıbergen et jaqyndaryn körgısı kelmeidı eken. Qazaqstanda ūlymmen bırge jaqsy ömır sürsem deidı. Aita keteiık, būl ortalyqta Nigora sekıldı jynystyq zorlyq-zombylyqtyŋ qūrbany bolǧan taǧy bes qyz bar.
“Adyrna” ūlttyq portaly
