Shymkent qalasynyń ákimi Murat Áıtenov «GOLDEN KIDS» jekemenshik mekteptiń qurylysymen tanysty. Báıdibek bı dańǵylynyń boıynda ornalasqan 400 oryndyq mektep jańa oqý jylynda paıdalanýǵa beriledi.
Memleket basshysy 2023 jyldyń sońyna deıin úsh aýysymdy jáne apatty mektepterdi joıý týraly úkimetke naqty tapsyrma júktegenin aıtqan qala basshysy mektep qurylysyn kúsheıtý úshin jeke kásipkerlerdi kóptep tartý kerektigin jetkizdi.
Shymkent qalasynda bıyl paıdalanýǵa beriletin 11 mekteptiń esebimen jekemenshik bilim mekemesiniń sany 62-ge jetedi. Jeke mektepter sanyn kóbeıtý arqyly bıýdjetke túsetin júktemeni tómendetýge, oryn tapshylyǵyn azaıtýǵa, bilim sapasyn jaqsartýǵa jáne pedagog mártebesin arttyrýǵa múmkindik beredi. Al, ınvestor úshin tutyný kepildigi bar tabysty ári uzaq merzimdi bıznes joba bolyp tabylady.
Shahar basshysy ótken jyly megapolıste 25 jańa mektep ashylyp, úsh aýysymdy mektepter sany 14-ten 9-ǵa tómendep, apatty mektepter joıylǵanyn atap ótti.
Qurylysy aıaqtalyp qalǵan bilim oshaǵyn aralaý barysynda ákim balalardyń sapaly bilim alýyna barlyq jaǵdaı jasalý kerektigin, materıaldyq-tehnıkalyq bazasynyń talapqa saı bolýyn qadaǵalaýdy tapsyrdy.
Shymkent qalasy ákimdiginiń baspasóz qyzmeti
