Búgin qala ákimi Murat Áıtenov jeke menshik bilim oshaqtarynyń talapqa saı bolýyn qadaǵalaý maqsatynda Asar shaǵyn aýdanynda ınvestordyń esebinen salynyp jatqan 500 oryndyq mekteptiń qurylysymen tanysty. Bul mektepke jan basyna qarjylandyrý arqyly memleket ár oqýshy úshin qarjy tóleıtin bolady.
Ákim bilim mekemesin aralaý barysynda balalardyń bilim alýyna barlyq jaǵdaıdyń jasalýyn, materıaldyq bazalardyń talaptarǵa saı bolýyn qadaǵalap, jeke menshik bilim uıymdary oqýshylarǵa ıntellektýaldyq, fızıkalyq jáne psıhologııalyq, ádebı-estetıkalyq baǵytta qosymsha bilim beretin, materıaldyq-tehnıkalyq jaǵynan tolyqtaı jabdyqtalǵan zamanaýı mektep bolý kerek ekenin eskertti.
Jan basyna qarjylandyrý kólemi aıasynda mektepterde oqý jáne materıaldyq-tehnıkalyq bazany ishinara nyǵaıtý múmkindigi paıda boldy. Sport qural-jabdyqtary, oqýshy jıhazdary, oqý taqtalary, kórneki quraldar men oqý materıaldary, mýzykalyq aspaptar satyp alyndy.
Shymkent qalasy ákimdiginiń baspasóz qyzmeti
