Búgin Shymkent qalasynyń ákimi Murat Áıtenov qalalyq orta sapasy jáne baqylaý basqarmasynyń 2022 jyly atqarylatyn jumystarynyń esebin tyńdady.
Basqarma basshysy Nurdáýlet Qurbanbekuly qala aýmaǵynda salynyp jatqan qurylys nysandary boıynsha zerdeleý jumystary bıylda jalǵastyrylatynyn, qurylys júrgizýge qoıylatyn bastapqy negizgi talaptardy saqtamaı júrgizilip jatqan nysandarǵa monıtorıng júrgiziletinin jetkizdi.
Sondaı-aq, qurylys sapasyna baqylaýdy kúsheıtý maqsatynda tehnıkalyq qadaǵalaýshylardyń esepterin E-Qurylys platformasy arqyly júrgiziletinin baıandap ótti.
Osy rette ákim qurylysta tártip ornatyp, qurylys mádenıetin qalyptastyrýdy, ıaǵnı, qurylys nysanyna kirip shyǵýdaǵy tazalyqty saqtaýdy aıtty. Qurylys nysandaryn tekserý barysynda aýmaǵynyń qorshalǵanyna, kólikterdiń tazalyǵy, nysan tólqujatyn ornalastyrýyna jáne júk kólikteriniń tentpen jabylýyna basa nazar aýdarýdy aıtyp, onyń oryndalýyn qadaǵalaýdy tapsyrdy.
Sala jetekshisi qala aýmaǵyndaǵy 2 236 kópqabatty turǵyn úıdiń 1 823-i basqarý nysanyn tirkeýge jatatyn turǵyn úıler ekenin aıtyp, búginde atalǵan kópqabatty úılerdiń barlyǵy basqarýdyń jańa júıesine tirkelgenin málim etti. Onyń ishinde, kópqabatty 1 702 úı basqarýdyń jaı seriktestigine (JS), 121-i múlik ıeleriniń birlestigine (MIB) kóshken.
Qala basshysy kópqabatty úıler basqarýdyń jańa júıesine 100 paıyz kóshkenimen, óz quzyretterin túsindirý jumystarynda kemshil tustary aqsap turǵanyn aıtyp, aqparattyq-túsindirý jumystaryn kúsheıtýdi tapsyrdy.
Esepti jıynda basqarma basshysy paıdalaný merzimi ótken 30 lıft boıynsha aýystyrý jumystaryn júrgizýdi jáne lıftilerge qyzmet kórsetý kompanııalardyń qyzmetin 109 I-komek ortalyǵymen ıntegraııalaý, úı ishilik gaz jabdyqtaryna tehnıkalyq qyzmet kórsetýge tıisti shart jasalýyn ıfrlandyrý maqsatynda, «I-Shymkent» portalyna engizý týraly usynystaryn jetkizdi.
Shymkent qalasy ákimdiginiń baspasóz qyzmeti
