"Qazaqstan halqyna" qoryna 13 myńnan astam ótinish túsken. Jalpy, búginde Qorda 115 mıllıard teńgeden astam qarajat jınaqtalǵan. Qor qyzmetkerleri qazaqstandyqtardyń qandaı maqsatta aqsha bólýdi suraıtyndary jaıly aıtty, dep habarlaıdy “Adyrna” ulttyq portaly Stan.kz saıtyna silteme jasap.
Qazaqstandyqtar Qazaqstanhalqyna.kz saıty arqyly ótinish bere alady, qazirge deıin qorǵa 13 myńnan astam ótinish túsken. Arasynda otbasylyq jáne merekelik sharaǵa aqsha suraǵandar da bar.
"Saıt pen áleýmettik jelidegi messendjerlerge úı, kólik satyp alý, kredıt jáne basqa da qarjylyq zaımdar boıynsha mindettemelerdi tóleý, otbasylyq is-sharalar men merekelik sharalardyń qarajatyn óteý týraly ótinishter áli de túsip jatyr", - delingen aqparatta.
"Qazaqstan halqyna" qory azamattardyń qarjylyq máselesi bolýy múmkin ekenin túsinetinin jetkizdi. Alaıda onyń barlyǵyn qor sheshe almaıdy. Sebebi qordyń bekitilgen tujyrymdamasyna sáıkes qarjy sábılerge medıınalyq qyzmet kórsetýdi damytýǵa jáne onyń qoljetimdi bolýyn arttyrýǵa, sport jáne bilim berý nysandary men balalarǵa arnalǵan basqa da áleýmettik mańyzy bar qyzmetterge jumsalady.
Sondaı-aq qor múgedek, naýqas balany asyrap alǵan, qamqorlyq nemese patronattyq tárbıeni uıymdastyrǵan otbasylarǵa kómek kórsetýmen aınalysady.
Qazaqstannyń aýmaq tutastyǵy men qaýipsizdigin qorǵaý nemese adamdardyń ómirin saqtap qalý jáne zardap shekken turǵyndarǵa kómek kórsetý kezinde qaıtys bolǵan nemese aýyr jaraqat alǵan quqyq qorǵaý organdary, arnaıy organdar, UQK qyzmetkerleriniń otbasylaryna, áskerı qyzmetshilerine, tótenshe jaǵdaılar kezinde zardap shekken adamdarǵa qoldaý kórsetedi.
