Bügın Şymkent qalasynyŋ äkımı Mūrat Äitenov Energetika jäne infraqūrylymdy damytu basqarmasynyŋ esebın tyŋdady. Jiynda basqarma basşysy B.Bulatbekov biylǧy jyly atqarylatyn jūmystardy baiandady.
Basqarma basşysy Şymkent qalasynyŋ 5 jyldyq damu josparyna säikes 2022 jyly salada 76 joba jüzege asyrylatynyn aitty. Atap aitqanda, auyz su - 4, kärız jüiesı – 14, elektr – 14, tabiǧi gaz – 15, jylu – 5, injenerlık infraqūrylym – 24 nysan bar. Atqarylar jūmystardyŋ nätijesınde jyl soŋynda megapolistı auyz sumen qamtu körsetkışı 98%-dan 99 paiyzǧa, kärız jüiesımen qamtu 54 paiyzdan 60 paiyzǧa, sapaly elektrmen qamtu deŋgeiı 97%-dan 99%-ǧa, tabiǧi gazben qamtylu körsetkışın 93%-dan 94,7%-ǧa deiın köteru josparlanuda. Al, jylu jelılerınıŋ tozu deŋgeiı 37-den 35 paiyzǧa tömendeidı. Jobalardy jüzege asyruda şalǧai eldımekenderge basymdyq berılgen.
Halyqtyŋ tırşılık etuıne basty qajettılık infraqūrylym jüielerı ekenın aitqan qala äkımı sala basşysyna bırqatar naqty tapsyrmalar berdı. Audandardaǧy tozyǧy jetken elektr jelılerınıŋ barlyǧyn tekserıp, kestesın jasaqtap, qadaǧalap otyru qajet. Äbden tozyǧy jetıp, aumaq jaryqsyz qalǧan sätte emes, aldyn ala baǧamdap, jöndeu jūmystaryn jasap otyru kerektıgın, jekemenşık nysandaǧy infraqūrylym jüielerınıŋ sapasyna da män berıp, olardy tekseretın mehanizmnıŋ jūmys ısteuın qamtamasyz etu qajettıgın aitty. Jobanyŋ maŋyzdylyǧy sanynda emes, halyqqa tiımdılıgınıŋ joǧary boluynda ekenın eskersek, ärbırınıŋ sapaly oryndaluy qataŋ baqylauǧa qoiyluyn, tūrǧyndarmen kezdesude köterılgen mäseleler jobalardy jüzege asyru barysynda nazarǧa alynuyn tapsyrdy.
Şymkent qalasy äkımdıgınıŋ baspasöz qyzmetı
