2021 jylǵy bilim berý boıynsha úzdik elder reıtınginde Qazaqstan 78 eldiń arasynda 71-orynǵa ıe boldy, dep habarlaıdy "Adyrna" ulttyq portaly inbusiness.kz-ke silteme jasap.
Ótken jyly tórtinshi toqsanda bilim berý salasy qyzmetkerleriniń ortasha aılyq ataýly jalaqysy 219,2 myń teńge boldy, bul 2020 jylmen salystyrǵanda 24,2% artyq.
Sektordaǵy jalaqynyń naqty satyp alý qabileti bir jylda 14,3% ósti.
Qazaqstanda ortasha aılyq jalaqy – 275,6 myń teńge, bul bilim berý salasyndaǵy jalaqydan 25,7% artyq. 2020 jylǵy uqsas kezeńde bilim berý salasy qyzmetkerleriniń jalaqysy – 176,5 myń teńge boldy, bir jylda plıýs 25,9%.
Sektordaǵy eń joǵary jalaqyny joǵary bilim berý qyzmetkerleri (299 myń teńge), al eń tómen jalaqyny mektepke deıingi bilim berý qyzmetkerleri (112,6 myń teńge) alady. Orta bilim berý sektorynda qyzmetkerler – 246,9 myń teńge, qosymsha bilim berýde – 203,7 myń teńge, bastaýysh bilim berýde – 180,1 myń teńge, bilim berýdiń basqa túrlerinde – 175,4 myń teńge alady.
Elordada bilim salasyndaǵy qyzmetkerler basqa óńirlermen salystyrǵanda joǵary jalaqy alady – 344,5 myń teńge, bul ótken jylmen salystyrǵanda 15,7% artyq. Úzdik úshtikke Almaty (265,4 myń teńge) jáne Almaty oblysy (247,4 myń teńge) endi. Batys Qazaqstan oblysyndaǵy bilim berý salasyndaǵy qyzmetkerleri basqa óńirlermen salystyrǵanda eń az jalaqy alady: 181,7 myń teńge.
Ótken jyly tórtinshi toqsanda sektorda 1,1 mln adam jumys istedi, bul 2020 jylmen salystyrǵanda 1% kóp.
Bilim berý salasynda jumyspen qamtylǵandardyń kópshiligi Túrkistan oblysynda: 142,9 myń adam, bir jyldaǵy ósim – 3,2%. Úzdikterdiń qataryna Almaty oblysy (128,6 myń adam) jáne Almaty (91,2 myń adam) endi. Bilim berýde jumyspen qamtylǵandardyń úlesi Soltústik Qazaqstan oblysynda: 35,2 myń adam.
US News & World Report bilim berý boıynsha úzdik elderdiń 2021 jylǵy reıtınginde Qazaqstan 78 eldiń arasynda 71-oryndy ıelendi.
Sarapshylardyń pikirinshe, reıtıng kóshbasshylary AQSh, Ulybrıtanııa jáne Germanııa boldy. Eń sońǵy orynda – Gvatemala.
Reıtıngte TMD elderiniń arasynda Qazaqstan tek Ózbekstandy basyp ozdy. Reseı, Ýkraına, Belarýs jáne Ázerbaıjannyń kórsetkishteri elimizden joǵary.
"Adyrna" ulttyq portaly
