Shymkent qalasynda halyqty sapaly ınternetpen qamtamasyz etý jumystary qarqyndy júrýde. 2025 jylǵa qaraı úshinshi megapolısti júz paıyz mobıldi jáne talshyqty-optıkalyq ınternet jelisimen qamtý kózdelýde. Bul týraly qalalyq ıfrlandyrý basqarmasynyń basshysy Áset Abdrahanov málimdedi.
Áset Maratulynyń aıtýynsha, ınternet sapasyn arttyrý maqsatynda ótken jyly qalalyq ákimdik Mańǵystaý oblysynan eki iri ınvestor tartqan. Búgingi tańda shaharda ınternet baılanysyn jaqsartýmen «Qazaqtelekom» AQ-dan bólek jeke ınvestorlyq kompanııalar da aınalysyp jatyr.
— Ótken jyly Shymkenttiń 10 eldi mekeni sapaly ınternetke qosyldy. 14 bazalyq stanııa ornatyldy. Bıyl 15 eldi meken sapaly ınternet jelisimen qamtylady. Qazirgi tańda qalanyń 60 paıyzy talshyqty-optıkalyq, 91 paıyzy mobıldi ınternetke jalǵanǵan. Bazalyq stanııa ornatylmaǵan 22 eldi meken ǵana qaldy. Internet baılanysyna qosylý 10 myń, al aı saıynǵy tólem 6 myń teńgeni quraıdy. Osy tusta aıtarym, turǵyndar ınternetke qosylýda belsendilik tanytqany jón. Óıtkeni abonentter sany kóp bolsa, ınvestorlardyń da jumys tıimdiligi artady, - dedi Á.Abdrahanov.
Talshyqty-optıkalyq kabel tartý isimen aınalysýshy ınvestordyń biri «SAS Telecom» JShS. Kompanııa ókili Nursábıt Saparbekovtiń aıtýynsha, byltyr Sáýle shaǵynaýdanyn sapaly ınternetke qosýǵa 50 mln. teńge uarjy jumsaǵan. Qazirgi tańda Zabadam eldi mekenine ınternet jelisin tartý jumystaryn aıaqtaý ústinde. Keıingi kezekte Qazyǵurt, Qursaı, Badam-1 jáne Qarabastaý eldi mekenderi sapaly ınternetpen qamtamasyz etiledi.
— Sáýle shaǵynaýdanynda 300 abonent bar. Sonyń 40 paıyzy ınternetke qosylǵan. Zabadam eldi mekeninde ınternet baılanysy jelisin tartý isin 70 paıyzǵa aıaqtadyq. Oǵan 30 mln. teńge qarjy jumsaldy. 20 shaqyrym talshyqty-optıkalyq jeli tartyldy. Kabeldi ınternet otbasy úshin óte tıimdi ári arzan. Wi-Fi qurylǵysymen otbasynyń barlyq múshesi ınternetke esh kedergisiz qosyla alady. Búgingi tańda ınternet baılanysynyń ortasha quny kemi 2,5 myń teńge turady. Otbasy músheleriniń árqaısysyn qosqanda onyń quny 10 myń teńgeden asyp ketedi. Al úıdegi kabeldi ınternetke bar-joǵy 6 myń teńge tóleıdi. Sondyqtan talshyqty-optıkalyq ınternet baılanysy otbasylyq bıýdjet úshin sonshalyqty qymbat emes, - dedi Nursábıt Nurhodjauly.
Zabadam eldi mekeniniń turǵyny, mektep muǵalimi Zúlfııa Saıdazova kabeldi ınternet jelisi tartylatynyn estigende erekshe qýanǵanyn aıtady. Óıtkeni pandemııaǵa baılanysty karantın ýaqytynda sabaq onlaın rejımine aýysqan kezde sapaly ınternetsiz is ónbeıtinin uǵynǵanyn jetkizdi. Sondyqtan eldi mekenge kabeldi ınternet keldi degen kezde birinshi bolyp talshyqty-optıkalyq ǵalamtor jelisin úıine ornatqan.
Jalpy, Prezıdet tapsyrmasyna oraı turǵyndardy sapaly ınternetpen qamtamasyz etý, ıfrlandyrý baǵdarlamasyn sátti júzege asyrý maqsatynda úshinshi megapolıste aýqymdy jumystar qolǵa alynýda. Osyǵan baılanysty, máselen, sáýlet, qala qurylysy jáne jer qatynastary basqarmasy men energetıka jáne ınfraqurylymdy damytý basqarmasy jáne «Qazaqtelekom» AQ, "Kar-Tel" JShS, "Ksell" AQ, «I-LinkNet.net, «SpeavtomatıkaServıs» JShS, «Mobaıl Telekom-Servıs» JShS, «Shymkent qalasy boıynsha óńiraralyq baılanys ınspekııasy» men «Nur-Astana Stroı» JShS ókilderiniń qatysýymen jýyrda ótken májilisti atap ótýge bolady. Jıynda qala aýmaǵyn jáne qaladan shalǵaı ornalasqan eldi mekenderde ınternet sapasyn jaqsartý máselesi qaraldy.
Ánýar JUMAShBAEV
