Mäjılıs deputaty Amanjan Jamalov zeinetaqylar men tölemderdı infliasiiadan joǧary indeksteu, sondai-aq tabysy tömen otbasylar üşın azyq-tülık kartasyn engızu qajet ekenı turaly mälımdedı, - dep habarlaidy “Adyrna” ūlttyq portaly Tengrinews.kz saityna sılteme jasap.
"Resmi statistika boiynşa byltyr infliasiia 8,4 paiyz boldy. Naqty infliasiia äldeqaida joǧary. Aldanudyŋ qajetı joq. Kommunaldyq qyzmet üşın tölemder qazaqstandyqtardyŋ būrynǧy däuırge oraluǧa degen yqylasyn tudyruda. Eger sız dükenderdegı baǧalardy qarasaŋyz, qaraqūmyq jarmasyn qaraqūmyq uyldyryǧy, al tauyq jūmyrtqalaryn Faberje jūmyrtqalary dep ataularyn auystyrudyŋ uaqyty kelgen siiaqty. Ūlttyq banktıŋ saualnamasy boiynşa halyqtyŋ 58 paiyzy baǧa 16-20 jäne odan da köp paiyzǧa östı dep esepteidı", - dedı Jamalov QR premer-ministrınıŋ atyna joldaǧan deputattyq saualda.
Ol Ükımet 180 kün merzımge sūiytylǧan gazdyŋ, benzinnıŋ jäne dizeldıŋ baǧalaryn retteudı, äleumettık maŋyzy bar azyq-tülık tauarlary boiynşa baǧany retteudı, 180 kün merzımge kommunaldyq tarifterdı köteruge moratorii engızgenın eske saldy.
"Bügınde älemde infliasiiaǧa azyq-tülık tauarlary negızgı üles qosady. Qazaqstan aldaǧy uaqytta da qymbattaityn azyq-tülık önımderınıŋ importyna älı de täueldı. Qazaqstandaǧy azyq-tülık tauarlarynyŋ importy 3 milliard AQŞ dollarynan asady. Būl infliasiianyŋ tap sol kölemdegı sözsız importyn bıldıredı.
Būl mäselenı tübegeilı şeşu üşın bız osy tauarlardy Qazaqstanda öndırudı jäne şyǧarudy jolǧa qoiuymyz qajet. Bıraq qazırdıŋ özınde halyqty baǧanyŋ ösuınen qorǧau boiynşa şūǧyl şaralar qajet", - dep esepteidı deputat.
Qazaqstandaǧy infliasiianyŋ ösu mäselesın şeşudıŋ bırınşı punktı retınde Amanjan Jamalov zeinetaqylar men äleumettık tölemderdı infliasiiadan joǧary deŋgeige indeksteudı ūsyndy.
"Mūndai indeksteu eŋ tömengı künkörıs deŋgeiınıŋ artuy arqyly mümkın. Būl äleumettık osal sanattar üşın negızgı tauarlar men qyzmetterdıŋ qymbattauynyŋ ornyn toltyruǧa mümkındık beredı. Iаǧni, bazalyq zeinetaqylar, mügedekterge, asyrauşysynan aiyrylǧan otbasylarǧa arnalǧan järdemaqylar, mügedek balalardy tärbieleuşılerge arnalǧan järdemaqylar mölşerı, atauly kömektıŋ kölemı ūlǧaiady. Jalpy, būl üş million qazaqstandyqqa qatysty bolady. Eŋ tömengı künkörıs deŋgeiınıŋ mölşerın 20 paiyzǧa, iaǧni 43 221 teŋgege deiın arttyru üşın şamamen 600 milliard teŋge qajet bolady. Būl qarajatty dividendterdı ūlǧaitu jäne kvazimemlekettık sektorǧa arnalǧan şyǧystardy oŋtailandyru esebınen, jekeşelendıruden jäne basqa da biudjettık tüsımderden tüsetın qarajat esebınen ızdestıruge bolady", - deidı Parlament müşesı.
Onyŋ aituynşa, bırınşı kezekte tabysy tömen otbasylarǧa azyq-tülık kartalaryn engızudı qarastyru qajet.
"Statistikaǧa säikes, tabysy otbasynyŋ är müşesıne 25 myŋ teŋgeden tömen otbasylar az qamtylǧan otbasylarǧa jatady. Halyqtyŋ mūndai sanaty üşın uaqytşa, ekonomika tūraqtanǧanǧa deiın qazaqstandyq azyq-tülık önımderın satyp aluǧa bolatyn tegın azyq-tülık kartalaryn engızudı qarastyru qajet. Olardy engızudı sifrlyq äleumettık ämiiandy engızuge bailanystyru qajet", - dedı Jamalov.
Sonymen qatar, ol köptegen adamdar azyq-tülık kartalaryn synǧa alyp, ony "KSRO-ǧa oralu" deitının aitty.
"Bıraq azyq-tülık kartalary köptegen elderde, sonyŋ ışınde AQŞ-ta äleumettık qoldaudyŋ maŋyzdy qūraly sanalady. Reseide halyqtyŋ kedei toptary üşın azyq-tülık talondaryn engızu pysyqtalyp jatyr", - dep tüiındedı deputat.
“Adyrna” ūlttyq portaly
