Májilis depýtaty Amanjan Jamalov zeınetaqylar men tólemderdi ınflıaııadan joǵary ındeksteý, sondaı-aq tabysy tómen otbasylar úshin azyq-túlik kartasyn engizý qajet ekeni týraly málimdedi, - dep habarlaıdy “Adyrna” ulttyq portaly Tengrinews.kz saıtyna silteme jasap.
"Resmı statıstıka boıynsha byltyr ınflıaııa 8,4 paıyz boldy. Naqty ınflıaııa áldeqaıda joǵary. Aldanýdyń qajeti joq. Kommýnaldyq qyzmet úshin tólemder qazaqstandyqtardyń burynǵy dáýirge oralýǵa degen yqylasyn týdyrýda. Eger siz dúkenderdegi baǵalardy qarasańyz, qaraqumyq jarmasyn qaraqumyq ýyldyryǵy, al taýyq jumyrtqalaryn Faberje jumyrtqalary dep ataýlaryn aýystyrýdyń ýaqyty kelgen sııaqty. Ulttyq banktiń saýalnamasy boıynsha halyqtyń 58 paıyzy baǵa 16-20 jáne odan da kóp paıyzǵa ósti dep esepteıdi", - dedi Jamalov QR premer-mınıstriniń atyna joldaǵan depýtattyq saýalda.
Ol Úkimet 180 kún merzimge suıytylǵan gazdyń, benzınniń jáne dızeldiń baǵalaryn retteýdi, áleýmettik mańyzy bar azyq-túlik taýarlary boıynsha baǵany retteýdi, 180 kún merzimge kommýnaldyq tarıfterdi kóterýge moratorıı engizgenin eske saldy.
"Búginde álemde ınflıaııaǵa azyq-túlik taýarlary negizgi úles qosady. Qazaqstan aldaǵy ýaqytta da qymbattaıtyn azyq-túlik ónimderiniń ımportyna áli de táýeldi. Qazaqstandaǵy azyq-túlik taýarlarynyń ımporty 3 mıllıard AQSh dollarynan asady. Bul ınflıaııanyń tap sol kólemdegi sózsiz ımportyn bildiredi.
Bul máseleni túbegeıli sheshý úshin biz osy taýarlardy Qazaqstanda óndirýdi jáne shyǵarýdy jolǵa qoıýymyz qajet. Biraq qazirdiń ózinde halyqty baǵanyń ósýinen qorǵaý boıynsha shuǵyl sharalar qajet", - dep esepteıdi depýtat.
Qazaqstandaǵy ınflıaııanyń ósý máselesin sheshýdiń birinshi pýnkti retinde Amanjan Jamalov zeınetaqylar men áleýmettik tólemderdi ınflıaııadan joǵary deńgeıge ındeksteýdi usyndy.
"Mundaı ındeksteý eń tómengi kúnkóris deńgeıiniń artýy arqyly múmkin. Bul áleýmettik osal sanattar úshin negizgi taýarlar men qyzmetterdiń qymbattaýynyń ornyn toltyrýǵa múmkindik beredi. Iaǵnı, bazalyq zeınetaqylar, múgedekterge, asyraýshysynan aıyrylǵan otbasylarǵa arnalǵan járdemaqylar, múgedek balalardy tárbıeleýshilerge arnalǵan járdemaqylar mólsheri, ataýly kómektiń kólemi ulǵaıady. Jalpy, bul úsh mıllıon qazaqstandyqqa qatysty bolady. Eń tómengi kúnkóris deńgeıiniń mólsherin 20 paıyzǵa, ıaǵnı 43 221 teńgege deıin arttyrý úshin shamamen 600 mıllıard teńge qajet bolady. Bul qarajatty dıvıdendterdi ulǵaıtý jáne kvazımemlekettik sektorǵa arnalǵan shyǵystardy ońtaılandyrý esebinen, jekeshelendirýden jáne basqa da bıýdjettik túsimderden túsetin qarajat esebinen izdestirýge bolady", - deıdi Parlament múshesi.
Onyń aıtýynsha, birinshi kezekte tabysy tómen otbasylarǵa azyq-túlik kartalaryn engizýdi qarastyrý qajet.
"Statıstıkaǵa sáıkes, tabysy otbasynyń ár múshesine 25 myń teńgeden tómen otbasylar az qamtylǵan otbasylarǵa jatady. Halyqtyń mundaı sanaty úshin ýaqytsha, ekonomıka turaqtanǵanǵa deıin qazaqstandyq azyq-túlik ónimderin satyp alýǵa bolatyn tegin azyq-túlik kartalaryn engizýdi qarastyrý qajet. Olardy engizýdi ıfrlyq áleýmettik ámııandy engizýge baılanystyrý qajet", - dedi Jamalov.
Sonymen qatar, ol kóptegen adamdar azyq-túlik kartalaryn synǵa alyp, ony "KSRO-ǵa oralý" deıtinin aıtty.
"Biraq azyq-túlik kartalary kóptegen elderde, sonyń ishinde AQSh-ta áleýmettik qoldaýdyń mańyzdy quraly sanalady. Reseıde halyqtyń kedeı toptary úshin azyq-túlik talondaryn engizý pysyqtalyp jatyr", - dep túıindedi depýtat.
“Adyrna” ulttyq portaly
