Nazarbaev zamanynda jüienıŋ qyryna ılıgıp japa şegıp, şetel asqan qazaqtar köp.
Eger Toqaevtyŋ tūsy ras jylymyq zaman bolatyn bolsa, endı olar elge oralyp zaŋdy tūrǧyda eldegı qoǧamdyq jūmystarǧa aralasyp, keşegı Toqaev aitqan keleşek jaŋa partiialardy qūryp nemese jaŋa ūiymdar qūramyna kırıp zaŋ aiasynda öz belsendılıkterın jalǧastyruy kerek. Olar da Qazaqstan azamattary, būl olardyŋ qūqy.
Ardak Ashim, Botagöz İsa, Quat Ahmetov, Ermek Narymbai taǧy basqa eskı jüie tärtıbıne könbegen bıraz ūltşyl azamattar şetelde jür.Kezınde olarǧa nebır jala jabyldy, quǧyn - sürgın kördı.
Şyn mänınde bū kısıler naǧyz patriottar edı. Būlar öz ūstanymdary üşın japa şektı.Al būlardy sol kezde quǧyndaǧan äkım qaralardyŋ keşe bır künde beişara bop qalǧanyn da kördık.
Toqaev ökımetı būl kısılerge raqymşylyq jariialap, olardyŋ otanǧa oraluyna sebep bolyp jatsa, jaŋa bilıktıŋ halyq aldynda abyroiy artpasa, odan ūtylmaidy dep oilaimyn.
Pälen jyl syrtta jürgen belsendılerımız de elmen qauyşar edı.
Sonşa jasqa kelıp şetelge ketuge mäjbür bolǧan olarǧa syrtta oŋai emes ekenın bılemız, olar keibıreuler siiaqty ol jaqqa qara bastaryn küittep ketken joq edı jalpy.
Olar kezınde elde bolyp jatqan ädıletsızdıkke şydamai, jüiege ia bolmasa olardyŋ artynda tūrǧan otarşyldarǧa qarsy şyǧyp, Altai men Atyrau arasynda daliyp jatqan keŋ dalasynan özderıne bır būryş taba almai alty qyr asyp kettı.
Būlardyŋ sonşa jyl şetelde jürse de, ekı közderı tört bolyp Qazaqstanǧa telmırıp otyrǧanyn da körıp otyrmyz.
Al ışterınde elge degen zor saǧynyş, mūŋ, är aluan sezım jatqanyn aŋǧaru qiyn emes.
Qazaq jalpy elge, jerge, tuǧan topyraqqa adal halyq, zaty sondai.
Qazır būl kısılermen syiysa almaǧan şaldyŋ közı taidy, al el jaŋa özgerısterge bet alǧandai...
Endı patriottar elge oraluy kerek.
Ūqsas jaŋalyqtar
