Abaı aýdanyna qarasty «Samal-3» shaǵyn aýdanynyń 27 myńnan astam turǵyny bıyl ortalyqtandyrylǵan káriz júıesine qosylady. Bul týraly qala ákimi Murat Áıtenov jergilikti turǵyndarmen kezdesý kezinde aıtty.
Shaǵyn aýdan turǵyndary ákimmen bolǵan ashyq suqbatta ınternet, jol máselesi men aıaldama ornatý boıynsha ótinishterin jetkizdi.
Halyqtyń suraǵyna naqty jaýap bergen qala basshysy ótken jyly úsh kóshe jóndelse, osy jyly 7 kóshege asfalt tóseletinin al, káriz júıeleri júrgizilip jatqan kóshelerde qurylys jumystary aıaqtalǵan soń, aldaǵy jyldary asfalttaý jumystary atqarylatynyn atap ótti. Sonymen birge shaǵyn aýdandy sapaly ınternetpen qamtý úshin jyl sońyna deıin talshyqty optıka jelisimen qamtý jumystary júrgiziletinin málim etti. Al aıaldama ornatý boıynsha salalyq basqarmaǵa zerdeleý jumystaryn júrgizýdi tapsyrdy.
Murat Áıtenov osy jyly bıýdjet esebinen 3 sport alańsha men 1 balalar alańshasy salynatyn aıtyp, bul jumystardyń barlyǵy turǵyndardyń jaıly ómir súrýine jaǵdaı jasaý úshin jasalyp keletinin aıtyp ótti.
Jalpy shaǵyn aýdanda 6800 otbasy turady. Eldi meken turǵyndary tolyǵymen aýyz sýmen, tabıǵı gazben jáne sapaly elektr jaryǵymen qamtylǵan. Mundaǵy kommýnaldyq másele káriz júıesimen qamtý, olda bıyl sheshimin tabady. Ótken jyly 6 kóshe jaryqtandyrylsa, bıyl 1 kóshege jaryqtandyrý jumystary júrgiziledi. 7 baǵytta qoǵamdyq kólik qatynaıdy.
Shymkent qalasy ákimdiginiń baspasóz qyzmeti
