Jaqynda Jelide qart ájesi, zaǵıp anasy men eki kemtar aǵasymen "úı" deýge kelmeıtin jerde turyp jatqan 9 jastaǵy Orazymbettiń oqıǵasy eldi eleń etkizgen edi. "Bir-aq armanym bar, ony oryndasańyzdar, ózim de qaıtaryp beremin" degen Orazymbettiń sol armany búgin oryndalyp otyr. Oǵan Shymkent qalasynan úı berildi, - dep habarlaıdy "Adyrna" ulttyq portaly Tengrinews.kz saıtyna siltep.
Esterińizde bolsa, buǵan deıin "Hareket" qaıyrymdylyq qorynyń quryltaıshy, akter Madııar Serikpaev Orazymbettiń otbasy turyp jatqan úıdi kórsetken bolatyn. Kadrlardan úı kireberisinde otalǵan aǵashtar jınalyp turǵanyn kórýge bolady, al esikten kire bergende sylaǵy túsip, buzylaıyn dep turǵan qabyrǵany baıqaısyń. Oǵan qosa bul jerdi jalǵa alyp otyrǵany aıtylady.
"Anamnyń kózi kórmeıdi, aǵam aýrý, ájem de qartaıyp kele jatyr", - degen edi Orazymbet.
Sol kúni aktermen birge Orazymbettiń úıin kórýge barǵan qordyń Shymkent qalasy jane Túrkistan obylysyndaǵy jaýapty ókili Serik Darbyshevtyń sózinshe, anasy 8-9 jasynda sheshek aýrýymen katty aýyryp, kózi kórmeı qalǵan, al eki aǵasy týǵannan kemtar.
"Múgedektik boıynsha járdemaqy men ájesiniń zeınetaqysyna kún kórip kelgen. Anasy men ájesi barmaǵan, baspaǵan taýy joq, esh jerden járdem ala almaǵanyn aıtty. Ákesi joq, jetpeıtin qý dúnıe, jumyssyzdyq, ishimdikke salynyp, tastap ketken eken", - deıdi ol.
Orazymbet qazir 4-synypta oqıdy. Serik Darbyshevtiń sózinshe, úlgerimi jaqsy, alǵyr, óz jasynan erte jetilgen, oı órisi keń bala. Ol kartop qýyryp, botqa jasap, kespe basa da alady eken.
"Balanyń aqshany sosyn qaıtaryp beremin degeny sózi jattandy emes, óz oıyn aıtyp otyr, bul Mákeń ekeýmizdi tebirentip jiberdi", - dep qosty ol.
Olarǵa "Hareket" qory halyqtan jınalǵan aqshaǵa Shymkentten 30 mıllıon turatyn 5 bólmeli jer úı alyp berdi.
Odan bólek Orazymbetke 5 mıllıon teńge sertıfıkat berildi, ol 18 jasqa tolǵansha sheshilmeıtin depozıt. Muny keıin oqýyna, úılengenge jáne basqa da qajettiligine jarata alady.
9 jasar balanyń endigi armany - anasynyń jaryq dúnıeni kaıta kórgenin qalaıdy eken. Qor ókiliniń sózinshe, aldaǵy dúısenbide anasyn dárigerge kórsetip, jazylýǵa múmkindik bolsa ota jasatyp beredi.
Sýretter: "Hareket" qorynan
