Bıyl jýrnalıstıka mamandyǵynyń pándik olımpıadasy E.A.Bóketov atyndaǵy Qaraǵandy Memlekettik Ýnıversıtetinde ótkizilip jatyr. Bilim báıgesine elimizdiń 16 ýnıversıtetinde oqıtyn 48 stýdent baq synaýda.
2008 jyly ál-Farabı atyndaǵy QazUÝ da bastaý alǵan olıpıadanyń maqsaty –
Jýrnalıstıka mamandyǵynyń sapasyn arttyrý, talantty da bilimdi, úzdik stýdentterdi anyqtaý, bolashaq jýrnalısterdi daıarlaıtyn oqý oryndarynyń biliktigin arttyrýdy kózdeıdi.
"Pándik olımpıadaǵa alǵashqy ret ál-Farabı atyndaǵy QazUÝ da qatysqan edik. Ol kezdegi stýdentter men qazirgi stýdentterdi salystyrýǵa bolmaıdy. Sebebi, qazirgi jastar jan-jaqty, kreatıvti oılaý qabileti joǵary, izdenisteri mol ekenin baıqadym. Sonymen qatar, bıylǵy olımpıadanyń qazaq televızııasynyń 60 jyldyǵyna arnalýy bolashaq jýrnalısterdiń ulttyq televızııa tarıhyn tereńdep bilýine óz áserin tıgizdi", – deıdi, ál-Farabı atyndaǵy QazUÝ-dyń aǵa oqytýshysy Jánibek Ǵalymuly.
Olıpıada qatysýshylary eki kezeń boıynsha synalady. Áýeli jýrnalıster «Televızııa jáne dáýir» taqyrybyna arnalǵan beınesıýjetter arqyly jýrnalıstik sheberlikterin kórsetedi. Odan keıingi kezeńde, «Qazaq jýrnalıstıkasynyń tarıhy», «Qazirgi jýrnalıstıkanyń janrlyq pishinderi men qyzmeti», «Teleradıojýrnalıstıka» pánderi boıynsha test suraqtaryna jaýap beredi. Sondaı-aq, aqparattyq saıttarǵa jedel aqparat jarııalaý mindeti de júkteledi.
Uıymdastyrýshylar pándik olıpıadanyń qatysýshylary jyl ótken saıyn kóbeıip kele jatqandyǵyn aıtady.
"Pándik olımpıadaǵa birinshi ret qatysyp otyrmyn. «Televızııa jáne dáýir» atty taqyryp bizdiń shyǵarmashylyǵymyzdy shyńdaýǵa úlken múmkindik berdi. Televızııanyń tarıhymen jáne jahandaný úrdisindegi jetistikterimen tanystyq. Kóptegen dostar taýyp, ózimizdi kásibı jýrnalıst sezine bastadyq. Osy oraıda, tájirıbeli jýrnalısterdiń sheberlik synyptaryna da qatysamyz", – deıdi, M.H.Dýlatı atyndaǵy TarMÝ-dyń 2 kýrs stýdenti Sándibek Prenov.
Olıpıadaǵa qatysqan 16 komandanyń ishinen tek 6 komanda ǵana marapattalady. Sondaı-aq, olıpıada kýbogyn utyp alǵan oqý orny kezekti saıysty uıymdastyrady.
«ál-Farabı» komandasy
