Túrkistandyq polıeıler turǵynnyń 25 jyl buryn joǵalyp ketken inisin tabýǵa kómektesti, dep habarlaıdy «Adyrna» tilshisi Polisia.kz-ke silteme jasap.
Túrkistan oblysy Polıııa departamenti KPB-nyń qyzmetkerleri jedel áreket etip, bir kúnniń ishinde bir-birin 25 jyl kórmegen baýyrlardy qaýyshtyrdy. Osylaısha, polıııaǵa múldem aryzdanbaǵan Botakóz Tolybaevaǵa baýyry tabylǵany jóninde habar jetti.
Naqtyraq aıtsaq, oblystyq polıııaǵa jergilikti turǵyn habarlasyp, Tólebı aýdanyndaǵy aýyldardyń birinde jigitti tutqynda ustaıtyndyǵy týraly aryz túsirgen. Atalǵan jaıtty polıeıler QR QK 126-baby (Zańsyz bas bostandyǵynan aıyrý) boıynsha Túrkistan oblysy PD-ǵa tirkedi.
Aqparat alysymen departament qyzmetkerleri barlyq qajetti tergeý áreketterin shuǵyl atqardy. Nátıjesinde, polıeıler jigittiń ata-anasy kishkentaı kezinde qaıtys bolǵanyn, sodan ol balalar úıinde, sondaı-aq ınternatta tárbıelengenin anyqtady. Er jetken soń, 10 jyl boıy oblys aýdandaryndaǵy túrli sharýashylyqtarda jaldamaly jumysshy bolǵany jáne jumys berýshiler tarapynan azap kórgeni belgili boldy. Sondaı-aq, jigittiń esinde óziniń jaqyn týystary múldem saqtalmaǵan. Birneshe saǵat boıy jan-jaqty júrgizilgen is-sharalar nátıjesinde polıeıler Túrkistan qalasynyń janyndaǵy Saýran aýdanynda turatyn jas jigittiń týystaryn tapty.
Belgili bolǵandaı, áıel birneshe jyl boıy joǵalǵan inisin ózdiginen izdep, taba almaǵan. Baýyrymen qaýyshqan ápkesi Botakózdiń aıtýynsha, olardyń ata-analary bala kezde qaıtys bolǵan. Al týys aǵasy onyń eki baýyryn balalar úıine ótkizgen. Sol kezde úlkeni 9 jasta, kishisi tórt jasta eken. Keıinnen olardyń eń kishisinen qol úzip, izin joǵaltyp, habarsyz qalǵan. Sodan inisin tabýǵa 2020 jyldan bastap kirisken. Alaıda polıııanyń kómegine júginbegen, múldem aryzdanbaǵan. Esesine, TO PD polıeıleri oǵan habarlasyp, inisin tapqany týraly jaǵymdy jańalyq jetkizdi. Týystary Túrkistan oblysy PD polıeılerine, kóp jyl buryn joǵalyp ketken inisin taýyp, máselelerine nazar aýdarǵan janashyrlyǵy úshin alǵysyn bildirdi.
– Rızamyz, Túrkistan oblysynyń polıeılerine. Bala kezde kóz jazyp qalǵan baýyrymdy taýyp bergenine. Inimdi kórip, ózimdi ómirdegi eń baqytty jan sezinip otyrmyn. 25 jyl boıy osy sátti qansha armandap, kúttim. Búgin mine aman-esen, jigit bolǵan inimmen kezdestim. Qýanyshymda shek joq, – dedi turǵyn.
Óz kezeginde tergeýshiler osy jaıt boıynsha muqııat tergeý júrgizip, oqıǵanyń tolyq mán-jaıyn anyqtaıtyn bolady.
«Adyrna» ulttyq portaly
