Qazaqstanda bir mıllıonǵa jýyq bala óte kedeı otbasynda tárbıelenýde. Úkimet ótirik statıstıkasy arqyly olarǵa kómek kórsetýge múmkindik jasamaıdy deıdi senatorlar. Bul týraly “Adyrna” ulttyq portaly habarlaıdy.
"Qazaqstanda kedeıshilik joq" degen urandy tý etken jergilikti organdar memlekettiń olarǵa kómek berýine múmkindik jasar emes. Joǵary palata ókilderi jumyssyzdyq pen kedeıshilik deńgeıin únemi tómen kórsetip, upaı jınaýǵa tyrysady dep renjýli.
Resmı aqparatqa sensek, 2021 jyly elde 450 myń adam jumyssyz bolǵan. Iaǵnı kedeıshilik deńgeıi tórt jarym paıyzdan aspaıdy. Al shyntýaıtynda, qazir eki mıllıon azamattyń turaqty jumysy, ne aı saıyn alatyn aılyǵy joq, dep habarlady KTK.
Eldiń áleýmettik áleýetin tek jaqsy sanmen órnekteıtin Qazaqstannyń optımıstik tásiline Murat Bahtııaruly ań-tań.
"Eldegi osy kezge deıingi kedeıshilik deńgeıin anyqtaýda qazaqstandyq tásil kedeılikti tómendetip kórsetip keledi. Kedeılik shegin ólsheıtin álemdik standarttarǵa shyǵýǵa ne kedergi bolyp otyr? Derekterge súıensek, 1 mıllıonǵa jýyq balalar eń kedeı otbasylarda turyp jatyr. Úkimet birinshi kezekte kedeıshilikpen kúresýdiń jańa júıesin jasaý kerek", - deıdi senat depýtaty Murat Bahtııaruly.
Onyń pikirinshe, keleshekte jalǵan statıstıkadan tolyqqandy arylý qajet. Tátti ótirikten ay shyndyq anaǵurlym jaqsy, deıdi ol.
”Adyrna” ulttyq portaly
