AQSh-ta qolshatyrdy jalǵa berý qyzmeti turǵyndardyń kóńilinen shyǵýda dep habarlaıdy "Adyrna" ulttyq portaly "24.kz"-ke silteme jasap.
Nıý-Iork turǵyndarynyń kóńilinen shyqqan brazılııalyq startap Eýropany jaýlaýǵa daıyndalyp jatyr. Kompanııa jańbyrdan qorǵaný úshin qolshatyrdy jalǵa berýmen aınalysady. Ol úshin uıaly telfonyńyzǵa osyndaı qyzmet kórsetetin avtomatty dúńgirshekterdi kórsetetin arnaıy qosymsha ornatsańyz jetkilikti.
Alǵashqy 24 saǵat qolshatyrdy paıdalaný tegin. Al kelesi kúnnen jalǵa alý quny 2 dollar. Startap alǵash ret 2018 jyly San-Paýlý qalasynda júzege asyrylǵan.
Aldaǵy 2 jylda Eýropanyń 10 qalasynda kásibin damytýdy josparlap otyr.
–Bizdiń qolshatyrlarymyz qoldanylǵan plastık shólmekterdi qaıta óńdeýden keıingi materıaldan jasalǵan. Biz bul arqyly muhıttar men teńizderdi plastık qoqystardan tazartýǵa atsalysyp jatqanymyzdy maqtan etemiz, — deıdi Rentbrella kompanııasynyń ókili Arı Krıvopısk.
"Adyrna" ulttyq portaly
