Işkı ıster ministrınıŋ būrynǧy orynbasary Arystanǧani Zapparov Almaty oblysynyŋ polisiia departamentın basşysy qyzmetıne taǧaiyndaldy. Būl turaly QR Işkı ıster ministrlıgınıŋ baspasöz qyzmetı mälımdedı.
"Qazırgı kriminogendık jaǧdaidy eskere otyryp, kadrlyq äleuettı nyǧaitu, qylmysqa qarsy kürestı küşeitu, azamattardyŋ qauıpsızdıgın tiımdı qamtamasyz etu maqsatynda ışkı ıster ministrınıŋ būiryǧymen QR prezidentı äkımşılıgımen kelıse otyryp, būrynǧy vise-ministr Zapparov Arystanǧani Rasilhanovich Almaty oblysynyŋ polisiia departamentınıŋ bastyǧy bolyp taǧaiyndaldy", - delıngen habarlamada.
Sonymen qatar, ışkı ıster ministrı Erlan Tūrǧymbaev jeke qūramǧa özınıŋ jaŋa orynbasary Erjan Sädenovtı tanystyrdy.
"Memleket basşysy ışkı ıster organdaryn damytuǧa erekşe köŋıl bölıp, departament aldyna azamattardyŋ qauıpsızdıgın qamtamasyz etu, qylmyspen küresu jäne polisiiany halyqpen özara ärekettesudıŋ servistık ülgısıne köşıru boiynşa naqty mındetter jüktep otyr, osy mındetterdı oryndaŋyz", - dedı ministr Erlan Tūrǧymbaev.
2019 jyldyŋ şılde aiynan bastap Arystanǧani Zapparov ışkı ıster ministrınıŋ orynbasary qyzmetın atqardy.
Arystanǧani Zapparov 1969 jyly Jambyl oblysynda düniege kelgen. Äl-Farabi atyndaǧy Qazaq memlekettık universitetın (1993), Işkı ıster ministrlıgı akademiiasynyŋ Zaŋ institutyn (2002) bıtırgen.
1993-2001 jyldary Jambyl jäne Almaty oblystary IIB, Almaty qalasy IIB jedel ştaby qyzmetterın atqarǧan.
2001 jyldan bastap Almaty oblysy Işkı ıster departamentınıŋ jedel bölımşelerınde basşylyq qyzmetterde jūmys ıstegen.
2010 jyly Almaty oblysy IID kriminaldyq polisiia basqarmasynyŋ bastyǧy bolyp taǧaiyndaldy.
2012-2013 jyldary Almaty qalasy jäne Aqmola oblysy Işkı ıster departamentınıŋ qalalyq bilık organdarynyŋ basşylary lauazymdaryn atqarǧan.
2013-2014 jyldary kölıktegı IID kriminaldyq polisiia basqarmasynyŋ bastyǧy.
2014-2016 jyldary Işkı ıster ministrlıgı Işkı qauıpsızdık basqarmasy bastyǧynyŋ orynbasary boldy.
2016-2017 jyldary Aqtöbe oblystyq ışkı ıster departamentı bastyǧynyŋ bırınşı orynbasary boldy.
2017 jyldyŋ jeltoqsan aiynan bastap ışkı ıster ministrlıgı esırtkı qylmysyna qarsy küres departamentın basqardy.
2019 jyldyŋ säuır-şılde ailary aralyǧynda Qyzylorda oblysynyŋ polisiia departamentın basqardy.
“Adyrna” ūlttyq portaly
